మహారాష్ట్రలో కరోనా కేసులు పెరుగుతున్న దృష్ట్యా ఆదివారం(మార్చి 28) నుంచి రాత్రిపూట కర్ఫ్యూ విధిస్తున్నట్లు ఆ రాష్ట్ర ప్రభుత్వం ఆదేశాలు జారీ చేసింది. త్వరలో ముంబయిలో జరిగే ఐపీఎల్ మ్యాచ్లపై ఈ ప్రభావం ఉంటుందేమోనని సందేహాలు వస్తున్న నేపథ్యంలో ప్రభుత్వ అధికారి ఒకరు దీనిపై వివరణ ఇచ్చారు.
ఐపీఎల్లో పాల్గొనే క్రికెటర్లు, ఇతర సిబ్బంది బయో బబుల్ ఉంటారని, దీంతో వాళ్లకు ఈ నిబంధనల్లో మినహాయింపు ఉంటుందని అసీమ్ గుప్తా అన్నారు. మ్యాచ్ల నిర్వహణకు ఎలాంటి ఇబ్బంది ఉండదని, ప్రేక్షకులకు అనుమతి లేదు కాబట్టి షెడ్యూల్ ప్రకారం అవి జరుగుతాయని తెలిపారు.
ముంబయి వాంఖడే స్టేడియంలో ప్రస్తుతం చెన్నై సూపర్ కింగ్స్, దిల్లీ క్యాపిటల్స్, కోల్కతా నైట్రైడర్స్, పంజాబ్ కింగ్స్ జట్లు ప్రాక్టీసు చేస్తున్నాయి. ఒకవేళ మహారాష్ట్రలోని కొవిడ్ ఆంక్షలు ఐపీఎల్ను ప్రభావితం చేసే పరిస్థితి వస్తే అక్కడి మ్యాచ్లనే వేరే చోటుకు తరలించే విషయమై బీసీసీఐ ఆలోచన చేస్తోందని బోర్డు అధికారి ఒకరు చెప్పారు.
ఏప్రిల్ 9న ప్రారంభమయ్యే ఈ సీజన్ తొలి మ్యాచ్లో ముంబయి-బెంగళూరు జట్ల చెన్నై వేదికగా తలపడనున్నాయి. చెన్నై-దిల్లీ మధ్య రెండో మ్యాచ్ ముంబయిలో నిర్వహించనున్నారు.
ఇవీ చదవండి:
