ఇంగ్లాండ్ మాజీ బ్యాట్స్మన్ జాన్ ఎడ్రిచ్(83) మరణించినట్లు ఆ దేశ క్రికెట్ బోర్డుకు చెందిన అధికారి శుక్రవారం ప్రకటించారు. నిర్భయం కలిగిన అద్భుతమైన బ్యాట్స్మన్ను తాము కోల్పోయినట్లు ఇంగ్లాండ్, వేల్స్ క్రికెట్ బోర్డు అధికారి పేర్కొన్నారు. ఎడ్రిచ్.. 2000 సంవత్సరం నుంచి లుకేమియా వ్యాధితో బాధపడుతున్నారు.
జాన్ ఎడ్రిచ్.. లెఫ్ట్-హ్యాండ్ బ్యాట్స్మన్గా ఇంగ్లాండ్ జట్టు తరపున 1963-76 మధ్యలో 77 టెస్టు మ్యాచ్లకు ప్రాతినిధ్యం వహించారు. కెరీర్ మొత్తంగా 5 వేలకు పైగా పరుగులు చేశారు. ఒకే టెస్టుకు కెప్టెన్గా వ్యవహరించారు. అంతర్జాతీయంగా ఆడిన తొలి వన్డే మ్యాచ్లోనూ ఎడ్రిచ్ ఆడారు. ఆ మ్యాచ్లో తొలి బౌండరీ కొట్టడమే కాకుండా.. వన్డేల్లో తొలి హాఫ్సెంచరీని నమోదు చేశారు. కౌంటీ క్రికెట్లో సర్రే జట్టు తరపున ప్రాతినిధ్యం వహించడం సహా.. తన కెరీర్లో 39 వేలకు పైగా ఫస్ట్క్లాస్ క్రికెట్ పరుగులను నమోదు చేశాడు.
ఇదీ చూడండి: అసలు 'బాక్సింగ్ డే' టెస్టు అంటే ఏంటి?
