దక్షిణాఫ్రికాతో టీ20 సిరీస్ను ఇంగ్లాండ్ క్లీన్స్వీప్ చేసింది. కేప్టౌన్ వేదికగా జరిగిన మూడో మ్యాచ్ను 9 వికెట్ల తేడాతో సొంతం చేసుకుంది. సఫారీలు నిర్దేశించిన 192 పరుగుల లక్ష్యాన్ని 17.4 ఓవర్లలోనే పూర్తి చేసింది. డేవిడ్ మలన్(99 నాటౌట్), జాస్ బట్లర్(67 నాటౌట్) విజయంలో కీలకపాత్ర పోషించారు.
భారత కాలమానం ప్రకారం మంగళవారం రాత్రి జరిగిన ఈ మ్యాచ్లో తొలుత బ్యాటింగ్ చేసిన దక్షిణాఫ్రికా.. నిర్ణీత 20 ఓవర్లలో 3 వికెట్ల నష్టానికి 191 పరుగులు చేసింది. డికాక్(17), బవుమా(32), హెండ్రిక్స్(13), డుప్లెసిస్(52 నాటౌట్), వాండర్సెన్(74 నాటౌట్) అద్భుతంగా బ్యాటింగ్ చేశారు. ఇంగ్లీష్ బౌలర్లలో స్టోక్స్ 2, జోర్డాన్ 1 వికెట్ తీశారు.
ఛేదనలో ఇంగ్లాండ్ తొలి నుంచే దూకుడుగా ఆడింది. ఓపెనర్లు జేసన్ రాయ్ 16 పరుగులు చేసి ఔటవ్వగా.. అనంతరం క్రీజులోకి వచ్చిన మలన్.. బట్లర్తో కలిసి ఆకాశమే హద్దుగా చెలరేగాడు. వీరిద్దరూ 167 పరుగుల భాగస్వామ్యాన్ని నెలకొల్పి, మ్యాచ్ను గెలిపించారు.
టీ20ల్లో ఇంగ్లాండ్కు ఏ వికెట్కైనా ఇదే అత్యధిక భాగస్వామ్యం. మొత్తం ఈ ఫార్మాట్లో ఎనిమిదో అత్యధిక భాగస్వామ్యం.
ఈ సిరీస్ విజయంతో ఇంగ్లాండ్ (275) తమ రేటింగ్ పాయింట్లు మెరుగుపర్చుకుని టీ20 ర్యాంకింగ్స్‌లో అగ్రస్థానానికి దూసుకెళ్లింది. తర్వాతి స్థానాల్లో వరుసగా ఆస్ట్రేలియా (275), భారత్ (266), పాకిస్థాన్‌ (262), దక్షిణాఫ్రికా (252) ఉన్నాయి.
