బ్రిస్బేన్ టెస్టులో ఆడే అవకాశం లభించనందున స్పిన్నర్ కుల్దీప్ యాదవ్ తీవ్రంగా నిరుత్సాహపడి ఉంటాడని టీమ్ఇండియా మాజీ క్రికెటర్ అజిత్ అగార్కర్ అన్నాడు. 2019 ఆస్ట్రేలియా పర్యటనలో కుల్దీప్ అద్భుతంగా రాణించినా అతడిని యాజమాన్యం పక్కనపెట్టడం ఆశ్చర్యంగా ఉందని చెప్పాడు.
2019 సిరీస్లో సిడ్నీ మ్యాచ్లో 5వికెట్లు తీసిన కుల్దీప్.. భారత్ 2-1తో సిరీస్ గెలవడంలో కీలక పాత్ర పోషించాడు. అప్పటినుంచి అతడు టెస్టు ఆడకపోవడం గమనార్హం."కుల్దీప్ చాలా నిరాశ చెంది ఉంటాడు. చెందాలి కూడా. గత ఆస్ట్రేలియా పర్యటన ముగిసే నాటికి భారత్కు అతడే నం.1 స్పిన్నర్. నాకు తెలిసి అప్పటి నుంచి అతడు ఒక్క టెస్టు కూడా ఆడలేదు. జట్టులో ఐదుగురు బౌలర్లు ఉన్నప్పుడు ఎవరైనా అనుభవజ్ఞుల వైపు చూస్తారు. కానీ యాజమాన్యం అందుకు భిన్నంగా ఆలోచించింది. ఆల్రౌండర్ జడేజా స్థానంలో వాషింగ్టన్ సుందర్ను తీసుకున్నారు. మరో స్పిన్నర్ ఉంటే బౌలింగ్ లైనప్లో సమం అయ్యేది."
- అజిత్ అగార్కర్, భారత మాజీ క్రికెటర్
ఆస్ట్రేలియా పర్యటన సందర్భంగా సీనియర్ బౌలర్లు రవిచంద్రన్ అశ్విన్, బుమ్రా, జడేజా, విహారి గాయల బారిన పడ్డారు. దీంతో బ్రిస్బేన్లో జరుగుతోన్న ఆఖరి టెస్టులో యువ బౌలర్లు టి.నటరాజన్, వాషింగ్టన్ సుందర్ అరంగేట్రం చేశారు.
ఇదీ చూడండి: బ్రిస్బేన్ టెస్టు: నటరాజన్, సుందర్ అరంగేట్రం
