టీమ్ఇండియా స్టార్ పేసర్ బుమ్రా వెన్నునొప్పి కారణంగా టీ20 వరల్డ్కప్కు దూరమయ్యాడన్న సంగతి తెలిసిందే. అయినా మిగతా బౌలర్లు ఈ మెగాటోర్నీలో బాగానే రాణిస్తున్నారు. ఇప్పటికే భారత జట్టు వరుసగా రెండు విజయాలను అందుకుని దక్షిణాఫ్రికాతో మూడో మ్యాచ్కు సిద్ధమవుతోంది. ఈ నేపథ్యంలో బుమ్రా జట్టుకు దూరమవ్వడంపై సీనియర్ క్రికెటర్ భువనేశ్వర్ మాట్లాడాడు.
అతడు మాట్లాడుతూ.. "బుమ్రా లాంటి బౌలర్ దూరమవ్వడం జట్టుకు భారీ లోటు. కానీ, ప్రస్తుతం టీమ్లో ఉన్న బౌలింగ్ యూనిట్ బాగానే రాణిస్తోంది. మేం బుమ్రా గురించి ఎక్కువగా ఆలోచించకుండా మాకున్న బలం, ప్రణాళికలతో ముందుకు సాగుతాం. అతడు ఒక రిదమ్ ఉన్న ప్లేయర్.. అద్భుతంగా ఆడతాడు. గతంలో పాకిస్థాన్ను తన స్వింగ్ బౌలింగ్తో ఒత్తిడికి గురిచేశాడు. ఆసియాకప్ సమయంలో బుమ్రా డెత్ బౌలింగ్ విషయంలో చాలా విమర్శలు వచ్చాయి. ఇన్నీ సంవత్సరాల్లో అలా ఒక్క సారి మాత్రమే జరిగింది. మీడియా, కామెంటేటర్లు చాలా అంటుంటారు. కానీ ఓ జట్టుగా మాలో ఎలాంటి లోటుపాట్లు ఉన్నాయో.. మేము సరిచేసుకోగలం. అయితే అసియాకప్ అనేది ఓ పెద్ద మెగాటోర్నీ కాబట్టి అభిమానులు సాధారణంగానే మామీద ఎక్కువ అంచనాలు పెట్టుకుంటారు. నిజానికి టీ20 ఫార్మాట్లో బ్యాటర్లు, బౌలర్లకు కాస్త కష్టమైనదే. పెద్ద టోర్నీల్లో ఆడేటప్పుడు సోషల్ మీడియాకు చాలా దూరంగా ఉంటాను. మరీ ముఖ్యంగా ప్రపంచకప్ అప్పుడు సోషల్ మీడియా జోలికి అస్సలు పోను. దానిలో ఏం వస్తున్నాయో కూడా తెలీదు. ఇక పాకిస్థాన్తో జరిగిన మ్యాచ్లో రిజ్వాన్కు వెసిన బంతులు అంత స్వింగ్ అవుతాయని అస్సలు ఊహించలేదు. నేను, అర్షదీప్ చెరో రెండు వికెట్లు తీశాం. అర్షదీప్కు తన అరంగేట్రం నుంచి అద్భుతంగా ఆడుతున్నాడు. పిచ్లు, వాటిపై బ్యాటర్లు ఆడే షాట్స్ గురించి ఎప్పుడూ నన్ను, కోహ్లీ, రోహిత్ను అడిగి తెలుసుకుంటుంటాడు" అని పేర్కొన్నాడు.
ఇదీ చూడండీ: జింబాబ్వే సూపర్ విక్టరీ.. ఒక్క ట్వీట్తో పాక్ గాలి తీసిన ఆ దేశ అధ్యక్షుడు!
