BCCI Planning T10 League Like IPL : ఇండియన్ ప్రీమియర్ లీగ్ - ఐపీఎల్ తరహాలో మరో లీగ్కు భారత క్రికెట్ నియంత్రణ బోర్డు- బీసీసీఐ సన్నాహాలు చేస్తున్నట్లు తెలుస్తోంది. ఐపీఎల్ విజయంతో ఈ లీగ్ రూపకల్పన చేసే పనిలో బీసీసీఐ కార్యదర్శి జై షా నిమగ్నమైనట్లు సమాచారం. ఇప్పటికే స్పాన్సర్లు, వాటాదారులు కూడా ఈ ఆలోచనకు గ్రీన్ సిగ్నల్ ఇచ్చారట. సెప్టెంబర్-అక్టోబర్ మధ్యలో టైమ్ విండో ఈ లీగ్కు కేటాయించేందుకు పరిశీలిస్తున్నారని తెలుస్తోంది. ఈ టైర్-2 క్రికెట్ లీగ్ను టీ10 ఫార్మాట్లో నిర్వహించబోతున్నారని వార్తలు వస్తున్నాయి. 2024లో తొలి ఎషిషన్ నిర్వహించే అవకాశాలు ఉన్నట్లు వినికిడి.
2008లో ఐపీఎల్నుప్రారంభించారు. ఈ టీ20 ఫార్మాట్ అనతి కాలంలోనే ప్రేక్షకుల్లో విశేష ఆదరణ పొందింది. దాంతోపాటు బీసీసీఐకు స్పాన్సర్షిప్, బ్రాడ్కాస్టింగ్ హక్కుల రూపంలో కాసుల వర్షం కురిపించింది. ఐపీఎల్ విజయంతో మిగతా దేశాలు కూడా ఇలాంటి లీగ్ను ప్రారంభించాయి. అయితే ఈ ప్రతిపాదిక లీగ్లో బీసీసీఐ పలు సమస్యలు ఎదుర్కొంటోంది.
- అందులో మొదటగా కొత్త లీగ్ను టీ10 ఫార్మాట్లో తీసుకురావాలా లేదా టీ20 ఫార్మాట్లో టైర్-2 లీగ్గా తీసుకురావాలా? అనే సందిగ్ధంలో పడింది.
- ఐపీఎల్ పాపులారిటీకి ఎఫెక్ట్ కాకుండా ఈ లీగ్లో ఆడబోయే ప్లేయర్లకు వయో పరిమితి విధించాలా లేదా?
- ఈ లీగ్కు ఫ్రాంచైజీలను కొత్త టెండర్ ద్వారా ఎంపిక చేయాలా లేదా ఇప్పుడున్న ఐపీఎల్ ఫ్రాంచైజీలకే ఆసక్తికనబరిచే / తిరస్కరించే హక్కు ఇవ్వాలా?
- కొత్త లీగ్ భారత్లో జరుగుతుందా? లేక ప్రతి ఏడాది కొత్త వేదికలో జరుగుతుందా? అనే సమస్యలు ఉన్నాయి.
బీసీసీఐ ఐపీఎల్ ఫ్రాంచైజీల మధ్య జరిగిన ఒప్పందం ప్రకారం బోర్డు ఐపీఎల్ వంటి కొత్త బిజినెస్ మోడల్ను ప్రారంభించాలనుకున్నప్పుడు ఫ్రాంచైజీలకు తిరస్కరించే హక్కు ఉంది. అయితే దానికి అనుగుణంగానే బీసీసీఐ నడుచుకునే అవకాశం ఉంది. అయితే ఫ్రాంచైజీలను ఒప్పిస్తే బీసీసీఐ ప్రారంభించాలనుకుంటున్న కొత్త లీగ్కు మార్గం సుగమం అవుతుంది.
వన్డే క్రికెట్కు గొడ్డలిపెట్టు!
ప్రస్తుతం పలు క్రికెట్ బోర్డులు ద్వైపాక్షిక సిరీస్ల హక్కుల ద్వారా దీర్ఘకాలంలో మనుగడ సాగించేదుకు కావాల్సిన ఆర్థిక వనరులను సాధించలేకపోతున్నాయి. ఇక బీసీసీఐతో రెవెన్యూ షేరింగ్ మోడల్లో జట్టు కడితే తాము మనుగడ సాగించవచ్చని ఆశపడుతున్నాయి. అయితే ఇప్పటికే కొన్నాళ్ల తర్వాత వన్డే క్రికెట్ కనుమరుగు అయిపోతుందని క్రీడా విశ్లేషకులు, పలువురు మాజీలు భయం వ్యక్తం చేశారు. ఇక బోర్డులన్నీ జట్టు కట్టి కొత్త ప్రయోగాలకు సిద్ధమైతే వన్డే క్రికెట్ అంతం ఖాయమని అభిప్రాయపడుతున్నారు.
వరల్డ్కప్లో మెస్సీ ధరించిన జెర్సీలకు రికార్డు ధర- వేలంలో ఆరు టీషర్టులకు రూ.64 కోట్లు!
