రవిశాస్త్రి సీరియస్​.. అతడిపై జీవితకాల నిషేధం విధించాలని..!

Ravi Shastri on Chahal Incident: టీమ్​ఇండియా లెగ్​ స్పిన్నర్​ యుజ్వేంద్ర చాహల్​కు కొన్నేళ్ల కింద ఎదురైన ఘటనపై పలువురు క్రికెట్​ ప్రముఖులు స్పందిస్తున్నారు. ఐపీఎల్​లో తాను ముంబయి ఇండియన్స్​కు ఆడే తొలి రోజుల్లో ఓ ప్లేయర్​ తప్పతాగి తనను 15వ అంతస్తు నుంచి వేలాడదీశాడని చాహల్​ ఇటీవల ఓ ఇంటర్వ్యూలో చెప్పాడు. కొంచెెం అటూఇటైనా తను కింద పడిపోయేవాడినని అన్నాడు. దీనిపై స్పందించిన టీమ్​ఇండియా మాజీ కోచ్​ రవిశాస్త్రి.. ఆ నేరానికి పాల్పడిన క్రికెటర్​ సమీప భవిష్యత్తులో మైదానంలోకి అడుగుపెట్టనీయొద్దని సూచించాడు. ఇది చిన్న విషయం ఏమాత్రం కాదని అన్నాడు.

''ఇలాంటి ఘటనను చూడటం నాకు ఇదే తొలిసారి. ఇది చిన్న విషయం కాదు. చాహల్​కు ఎదురైనటువంటి ఘటన ఈ రోజుల్లో జరిగితే.. ఆ వ్యక్తిపై జీవితకాల నిషేధం పడేది. వీలైనంత తొందరగా పునరావాస శిబిరానికి పంపేవారు. ఈ ఘటనకు పాల్పడింది ఎవరో నాకు తెలియదు. అతడు ఏ స్థితిలో ఉన్నాడో నాకు తెలియదు. కానీ.. ఒకరి జీవితం ప్రమాదంలో ఉంటే అది ఎప్పటికీ ఫన్నీ కాదు.''

- రవిశాస్త్రి, టీమ్​ఇండియా మాజీ కోచ్​

రాజస్థాన్ రాయల్స్ విడుదల చేసిన వీడియోలో సహచరుడు అశ్విన్​తో కలిసి తన అనుభవాలను పంచుకున్నాడు చాహల్​. 2013 ఐపీఎల్​లో ముంబయి ఇండియన్స్‌ తరఫున చాహల్​ ఆడుతున్నప్పుడు తన జీవితంలో జరిగిన భయానక సంఘటన గురించి వివరించాడు. బెంగళూరుతో మ్యాచ్​ అనంతరం జరిగిన పార్టీలో ఓ ఆటగాడు ఫుల్​గా మద్యం తాగి 15వ అంతస్తు నుంచి తనను తలకిందులుగా వేలాడదీశాడని చాహల్ ఈ వీడియోలో తెలిపాడు. అతడి పేరు మాత్రం చాహల్​ చెప్పలేదు. ఈ ఘటనపై టీమ్​ఇండియా మాజీ క్రికెటర్​ వీరేంద్ర సెహ్వాగ్​ కూడా స్పందించాడు. ఆ ఆటగాడి పేరు చెప్పాలని అన్నాడు.

• Royals’ comeback stories ke saath, aapke agle 7 minutes hum #SambhaalLenge 💗#RoyalsFamily | #HallaBol | @goeltmt pic.twitter.com/RjsLuMcZhV

  — Rajasthan Royals (@rajasthanroyals) April 7, 2022 " class="align-text-top noRightClick twitterSection" data="

  Royals’ comeback stories ke saath, aapke agle 7 minutes hum #SambhaalLenge 💗#RoyalsFamily | #HallaBol | @goeltmt pic.twitter.com/RjsLuMcZhV

  — Rajasthan Royals (@rajasthanroyals) April 7, 2022

  ">

  Royals’ comeback stories ke saath, aapke agle 7 minutes hum #SambhaalLenge 💗#RoyalsFamily | #HallaBol | @goeltmt pic.twitter.com/RjsLuMcZhV

  — Rajasthan Royals (@rajasthanroyals) April 7, 2022

ఇవీ చూడండి: సక్సెస్​ మంత్రం చెప్పిన గిల్​.. తెవాతియాపై ప్రశంసలు!