Aaron Finch US Masters 2023 : 5 బంతుల్లో.. 5 సిక్సులు... రిటైర్​ అయ్యాక కూడా ఆరోన్​లో అదే జోష్​..

Aaron Finch US Masters 2023 : ఆస్ట్రేలియా కెప్టెన్ ఆరోన్ ఫించ్ ఈ ఏడాది ఫిబ్రవరిలో క్రికెట్​కు వీడ్కోలు పలికాడు. తుఫాను బ్యాట్స్‌మెన్‌లలో ఒకడిగా పేరొందిన ఫించ్​ తన ఆట తీరుతో ప్రత్యర్థులను హడలెత్తించేవాడు. అయితే రిటైర్మెంట్ తర్వాత కూడా తను ఏ మాత్రం మారలేదని మరోసారి రుజువు చేశాడు. తాజాగా జరిగిన యూఎస్ మాస్టర్స్ టీ10 లీగ్‌లో తన సత్తా చాటి అందరి చేత ఔరా అనిపించాడు. సోమవారం జరిగిన మ్యాచ్​లో కాలిఫోర్నియా నైట్స్‌ తరఫున ఆడిన ఫించ్​.. తన ప్రత్యర్థి న్యూజెర్సీ ట్రిటాన్స్‌పై ఐదు బంతుల్లో ఐదు సిక్సర్లు బాదాడు.

హోరా హోరీగా జరిగిన ఈ మ్యాచ్​లో తొలుత బ్యాటింగ్​కు దిగిన ఫించ్ జట్టు ఆడిన 10 ఓవర్లలో మూడు వికెట్ల నష్టానికి 116 పరుగులు చేసింది. అయితే ఇందులో 31 బంతులు ఎదుర్కొన ఫించ్​ మూడు ఫోర్లు, 8 సిక్సర్ల సాయంతో అజేయంగా 75 పరుగులు చేశాడు. అలా టోర్నీలో రెండో అత్యుత్తమ స్కోరును నమోదు చేసి రికార్డుకెక్కాడు.

California Knights Vs New Jersey : కాలిఫోర్నియా ఆడిన తొమ్మిదో ఓవర్లో ఫించ్ చెలరేగిపోయాడు. క్రిస్ బార్న్‌వెల్ బౌలింగ్​లో ఆడిన తొలి ఐదు బంతుల్లో ఐదు సిక్సర్లు బాదిన ఫించ్.. నాలుగో సిక్స్​తో జట్టు స్కోరును 100 వరకు తీసుకెళ్లాడు. ఇక క్రిస్ ఆరో బంతిని వైడ్ గా విసరగా... మళ్లీ ఫించ్​కు ఆరు బంతుల్లో ఆరు సిక్సర్లు కొట్టే అవకాశం వచ్చింది. అయితే, క్రిస్ చివరి బంతిని ఆఫ్ స్టంప్ వెలుపల విసిరాడు. దీంతో ఫించ్ మిస్ అయ్యాడు. అయినప్పటికీ ఈ ఇన్నింగ్స్ జట్టుకు బలమైన స్కోరు అందించాడు.

మరోవైపు తొలి ఐదు ఓవర్లలో కాలిఫోర్నియా జట్టును కట్టడి చేసిన న్యూ జెర్సీ జట్టు కేవలం 30 పరుగులు మాత్రమే స్కోర్​ చేయనివ్వగలిగింది. కానీ ఫించ్ తుఫాను ఇన్నింగ్స్ వల్ల జట్టుకు బలమైన స్కోర్​ చేకూరింది. ఇక ఫించ్ తర్వాత మిలింద్ కుమార్ 14 బంతుల్లో నాలుగు ఫోర్లు, ఒక సిక్సర్ సాయంతో 27 పరుగులు చేశాడు. అయితే ఈ మ్యాచ్‌లో జాక్వెస్ కలిస్ ఏడు పరుగులు చేసి ఔటయ్యాడు. ఇక ఇర్ఫాన్ పఠాన్ ఒక్క రన్​ మాత్రమే చేయగలిగాడు. న్యూజెర్సీ తరఫున పీటర్ ట్రెగో, క్రిస్ చెరో వికెట్ తీశారు.

• FANTASTIC FINCHY 🔥😍😍🎇
  
  Fireworks by @AaronFinch5 as the batter smashes 7️⃣5️⃣ in #NJTvCK 🫡🙏👏🙌#USMastersT10 #SunshineStarsSixes#CricketsFastestFormat#T10League

  — US Masters T10 (@USMastersT10) August 21, 2023 " class="align-text-top noRightClick twitterSection" data="

  FANTASTIC FINCHY 🔥😍😍🎇
  
  Fireworks by @AaronFinch5 as the batter smashes 7️⃣5️⃣ in #NJTvCK 🫡🙏👏🙌#USMastersT10 #SunshineStarsSixes#CricketsFastestFormat#T10League

  — US Masters T10 (@USMastersT10) August 21, 2023

  ">

  FANTASTIC FINCHY 🔥😍😍🎇
  
  Fireworks by @AaronFinch5 as the batter smashes 7️⃣5️⃣ in #NJTvCK 🫡🙏👏🙌#USMastersT10 #SunshineStarsSixes#CricketsFastestFormat#T10League

  — US Masters T10 (@USMastersT10) August 21, 2023