చైనా ఓపెన్కు దూరంగా ఉన్న భారత స్టార్ షట్లర్ కిదాంబి శ్రీకాంత్.. హాంకాంగ్ ఓపెన్లో సత్తాచాటుతున్నాడు. పురుషుల సింగిల్స్ విభాగం రెండో రౌండ్లో మన దేశానికే చెందిన సౌరభ్ వర్మపై నెగ్గి క్వార్టర్ ఫైనల్కు చేరాడు.
శ్రీకాంత్.. 21-11, 15-21, 21-19 తేడాతో సౌరభ్పై గెలిచాడు. తొలి సెట్లో సునాయాసంగా నెగ్గిన ఈ షట్లర్.. రెండో గేమ్లో పరాజయం పాలయ్యాడు. నిర్ణయాత్మక మూడో సెట్లో ఇద్దరూ హోరాహోరీగా పోరాడారు. చివరికి విజయం శ్రీకాంత్నే వరించింది.
శ్రీకాంత్.. ఈ ఏడాది ఏప్రిల్లో జరిగిన సింగపూర్ ఓపెన్లో చివరగా క్వార్టర్స్కు చేరాడు.
మరో షట్లర్ ప్రణయ్ రెండో రౌండ్లో ఓడిపోయాడు. ఇండోనేసియాకు చెందిన జొనాథన్ క్రిస్టి చేతిలో 12-21, 19-21 తేడాతో వరుస సెట్లలో పరాజయం పాలయ్యాడు.
ఇదీ చదవండి: భారత్ బౌలర్లు భేష్.. 150కే కుప్పకూలిన బంగ్లాదేశ్
