తొలి సినిమా 'ఉప్పెన'తోనే ప్రేక్షకులను ఆకట్టుకున్న యువ కథానాయకుడు వైష్ణవ్ తేజ్.. వరుస సినిమాలను ఒకే చేస్తూ బిజీగా ఉన్నాడు. ఇప్పుడు వెంకీ కుడుముల దర్శకత్వంలో ఓ సినిమా చేసేందుకు సిద్ధమయ్యాడని తెలిసింది. కథ నచ్చడం వల్ల వెంకీకి గ్రీన్‌ సిగ్నల్‌ ఇచ్చాడట. ఈ చిత్రాన్ని మైత్రీ మూవీమేకర్స్ తెరకెక్కించనుందని చెప్పుకొంటున్నారు. ఇది నిజమైతే ఈ మెగాహీరోకు నాలుగో చిత్రం అవుతోంది. సినిమాకు సంబంధించి త్వరలోనే అధికారిక చేయనున్నారట.
వైష్ణవ్ ఇప్పటికే క్రిష్ జాగర్లమూడి దర్శకత్వంలో రకుల్‌ కథానాయికగా 'కొండపొలం' నవల ఆధారంగా తెరకెక్కిన చిత్రంలో నటించాడు. తమిళ దర్శకుడు గిరీషయ్యతోనూ ఓ సినిమా చేస్తున్నాడు. కాగా, వెంకీ కుడుముల గతేడాది నితిన్తో 'భీష్మ' సినిమాను తెరకెక్కించి విజయాన్ని అందుకున్నాడు.
ఇదీ చూడండి: అలరిస్తున్న 'ఉప్పెన' మేకింగ్ వీడియోలు
