సినిమా హీరోల పుట్టిన రోజు సందడి మాములుగా ఉండదు. అభిమానుల కేకు కట్టింగ్లు, వేడుకలతో అదిరిపోతుంది. ఇక పవర్స్టార్ బర్త్డే అంటే ప్రత్యేకంగా చెప్పనవసరం లేదు. నెల రోజుల ముందు నుంచే హడావుడి మొదలవుతుంది. ఆఫ్లైన్లో కటౌట్ల నుంచి ఆన్లైన్లో బర్త్డే ట్రెండ్ల వరకు ఓ పండగ వాతావరణం కనిపిస్తుంది. అందుకోసమే ఈసారి తన పుట్టినరోజు(సెప్టెంబరు 2)న అభిమానులకు పవర్స్టార్ రెండు భారీ సర్ప్రైజ్లను సిద్ధం చేసినట్లు తెలుస్తోంది.
రానా దగ్గుబాటితో కలిసి నటిస్తున్న 'అయ్యపనుమ్ కోషియుమ్' రీమేక్లో భీమ్లా నాయక్గా సందడి చేయనున్నారు పవన్. ఈ చిత్రం నుంచి ఆయన పుట్టినరోజు కానుకగా ఓ పాటను విడుదల చేయనున్నట్లు సమాచారం. భీమ్లా నాయక్ పాత్రకు సంబంధించిన అప్డేట్ను శుక్రవారం సాయంత్రం 4.05 గంటలకు విడుదల చేయనున్నట్లు చిత్రబృందం వెల్లడించింది.
ఇక 'గబ్బర్సింగ్' లాంటి బ్లాక్బస్టర్ అందించిన హరీశ్ శంకర్ దర్శకత్వంలో మరో చిత్రం (పీఎస్పీకే28) చేయనున్నారు పవన్. దానికి సంబంధించిన కొత్త పోస్టర్ అదే రోజున విడుదల కానున్నట్లు తెలుస్తోంది. ఇప్పటికే హరీశ్ శంకర్ ఈ పోస్టర్ను ఓ రేంజ్లో తీర్చిదిద్దారని వినికిడి.
ఇదీ చూడండి: మెగాస్టార్ 'లూసిఫర్' రీమేక్ షూటింగ్ షురూ
