డైరెక్టర్ శంకర్ పేరు వినగానే మనకు గుర్తొచ్చేవి.. ఊహకందని విజువల్స్,అబ్బురపరిచే పాటల చిత్రీకరణ, భారీ బడ్జెట్ సినిమాలు, బాక్సాఫీస్ రికార్డులు. అయితే ప్రస్తుతం ఆయన రామ్చరణ్తో(Shankar Ram Charan Movie) కలిసి ప్రతిష్టాత్మకంగా ఓ చిత్రం తీస్తున్నారు. 'ఆర్సీ-15'(RC15 Movie) అనే వర్కింగ్ టైటిల్తో తెరకెక్కుతున్న ఈ సినిమా షూటింగ్ ఇటీవల ప్రారంభమైంది.
రూ.10కోట్లతో..
అయితే.. ఈ సినిమాలో ఓ భారీ ట్రైన్ యాక్షన్ సీక్వెన్స్ ప్లాన్ చేస్తున్నారట దర్శకుడు శంకర్(Shankar Ram Charan Movie). ఈ ఫైట్సీన్ కోసం ఏకంగా రూ.10 కోట్లు ఖర్చు చేయనున్నట్లు సమాచారం. మరి ఇందులో నిజమెంతో తెలియాలంటే సినిమా విడుదలయ్యేంత వరకూ ఆగాల్సిందే.. ఇదివరకే ఐ, రోబో2లో భారీ ట్రైన్ యాక్షన్ సీన్లతో అలరించాడు శంకర్.
ఈ చిత్రంలో చెర్రీతో ఆడిపాడనుంది కియారా అద్వానీ. దిల్‌రాజు నిర్మాతగా వ్యవహరిస్తున్నారు. తమన్ స్వరాలు సమకూరుస్తున్నారు. ఇటీవల 135 మంది మ్యూజిషియన్లతో కలిసి ఆయన ఈ సినిమాకు సంబంధించిన తొలి రికార్డింగ్ పూర్తి చేశారు. కొరియోగ్రాఫర్గా జానీ మాస్టర్, మాటల రచయితగా సాయి మాధవ్ బుర్రాను ఇప్పటికే ఎంపిక చేసింది చిత్రబృందం. విలన్గా మలయాళ నటుడు ఫహాద్ ఫాజిల్నటిస్తారని ప్రచారం జరుగుతుంది.
ఈ చిత్రంతో పాటు హిందీలో 'అనియన్‌'(Anniyan Remake-తెలుగులో 'అపరిచితుడు') చిత్రాన్ని రీమేక్ చేయనున్నట్లు ఇదివరకే ప్రకటించారు. రాజమౌళి దర్శకత్వంలో రామ్చరణ్ 'ఆర్ఆర్ఆర్' సినిమా(RRR Movie Release Date) ఇప్పటికే షూటింగ్ పూర్తిచేసుకుంది. ఈ చిత్రం వచ్చే ఏడాది విడుదల కానుంది.
ఇదీ చదవండి: RC15: చరణ్-శంకర్ కొత్త సినిమా హంగామా షురూ
