Radheshyam twitter review: బాహుబలి, సాహో సినిమాలతో పాన్ ఇండియా స్టార్గా మారిన ప్రభాస్.. రాధేశ్యామ్ సినిమాతో శుక్రవారం ప్రేక్షకుల ముందుకు వస్తున్నారు. తొలిసారి హస్త సాముద్రుకిడిగా విక్రమాదిత్య పాత్ర పోషిస్తున్నారు. భారీ బడ్జెట్తో తెరెక్కిన ఈ సినిమా అంచనాలు కూడా అదే స్థాయిలో ఉన్నాయి. అయితే ఇప్పిటికే ఈ సినిమాకు సంబంధించి ప్రివ్యూ షోలు అమెరికా సహా పలు నరగరాల్లో ప్రదర్శితమయ్యాయి. ఈ చిత్రం చూసిన అభిమానులు సోషల్మీడియాలో తమ అభిప్రాయలు చెబుతున్నారు.
ఈ మూవీలో ప్రభాస్ లుక్ ఆకట్టుకునే విధంగా ఉందని, విక్రమాదిత్య పాత్రకు బాగా సెట్టయ్యారని నెటిజన్లు చెప్తున్నారు. అయితే సినిమాలో నటనకు పెద్దగా స్కోప్ లేదని అంటున్నారు. హీరోయిన్ పూజా హెగ్డేను అందంగా చూపించారని చెబుతున్నారు.
ఇటలో 1970నాటి కాలాన్ని అద్భుతంగా రీక్రియేట్ చేశారని నెటిజన్లు చెబుతున్నారు. విజువల్గా ఈ సినిమా బాగున్నప్పటికీ స్క్రీన్ ప్లే ఇంకా ఆసక్తికరంగా ఉండి ఉంటే బాగుండేదని, డైలాగ్స్ విషయంలో ఇంకాస్త శ్రద్ధ పెట్టాల్సి ఉందని అంటున్నారు. సినిమా మాత్రం విజువల్ వండర్ అని ప్రభాస్ అభిమానులకు నచ్చుతుందని ట్వీట్లు చేస్తున్నారు.
ఇవీ చూడండి:
ప్రపంచ సినీ చరిత్రలో తొలిసారి.. 'రాధేశ్యామ్' కోసమే అలా!
