RadheShyam Day 1Collections: ప్రభాస్-పూజాహెగ్డే జంటగా నటించిన 'రాధేశ్యామ్' శుక్రవారం విడుదలై ప్రేక్షకులను అలరిస్తోంది. ప్రపంచవ్యాప్తంగా 7 వేలకు పైగా స్క్రీన్స్లో రిలీజ్ అయింది. కలెక్షన్ల పరంగా తొలి రోజు మంచి వసూళ్లను అందుకుందని సినీవిశ్లేషకులు చెబుతున్నారు. ఓ సారి ఆ వివరాలపై లుక్కేద్దాం..
దేశవ్యాప్తంగా రూ.48 కోట్లు, తెలుగు రాష్ట్రాల్లో రూ.30 కోట్లకు పైగా సాధించినట్లు సమాచారం. నైజాంలో రికార్డు స్థాయిలో రూ.15.50 కోట్లు అందుకున్నట్లు సినీవర్గాల టాక్. హిందీలో కలెక్షన్లపై స్పష్టత లేదు. ఓవర్సీస్లోనోనూ బాగానే వచ్చాయని సినీవిశ్లేషకులు చెబుతున్నారు. యూఎస్ఏలో ప్రీమియర్, తొలి రోజు కలెక్షన్లు కలిపి 1.4 మిలియన్ల డాలర్లు వసూలు చేసినట్లు తెలుస్తోంది!
రాధాకృష్ణ దర్శకత్వం వహించిన ఈ చిత్రంలో విక్రమాదిత్య అనే హస్తసాముద్రికా నిపుణుడిగా నటించారు ప్రభాస్. దాదాపు రూ.300 కోట్ల బడ్జెట్‌తో యు.వి.క్రియేషన్స్‌ ఈ సినిమాను నిర్మించింది. రాజమౌళి ఈ సినిమాకు వాయిస్ ఓవర్ ఇచ్చారు. కృష్ణంరాజు కీలకపాత్ర పోషించారు. జస్టిన్ ప్రభాకరన్ పాటలు స్వరపరచగా, తమన్ బ్యాక్గ్రౌండ్ మ్యూజిక్ అందించారు.
ఇదీ చూడండి: ప్రభాస్ నన్ను ముద్దు పెట్టుకున్నారు: తమన్
