యంగ్ టైగర్ ఎన్టీఆర్ హీరోగా త్రివిక్రమ్ దర్శకత్వంలో ఓ సినిమా తెరకెక్కబోతుంది. హారిక హాసిని క్రియేషన్స్, ఎన్టీఆర్ ఆర్ట్స్ సంయుక్తంగా నిర్మిస్తున్నాయి. అయితే ఈ చిత్రానికి సంబంధించిన ఓ వార్త ప్రస్తుతం సినీ వర్గాల్లో తెగ చక్కర్లు కొడుతోంది.
ఇందులో తారక్ ద్విపాత్రాభినయం చేయబోతున్నారట. అయితే సినిమా మొత్తం రెండు పాత్రల్లో కనిపిస్తారా? లేదా ఫ్లాష్బ్యాక్లో ఓ పాత్ర ఉంటుందా? అనేది తెలియాల్సి ఉంది. ఇందులో ఇద్దరు హీరోయిన్స్కు చోటుందని సమాచారం. ఇప్పటికే ఈ ప్రాజెక్టుకు 'అయినను పోయిరావలే హస్తినకు' అనే టైటిల్ పరిశీలనలో ఉంది.
