'మీలో ఎవరు కోటీశ్వరుడు' కార్యక్రమంతో బుల్లితెరలో అరంగేట్రం చేసిన 'కింగ్' నాగార్జున.. బిగ్బాస్ రియాలిటీ షోతో తెలుగు ప్రేక్షకులను మరింతగా అలరించారు. ఇప్పుడాయన డిజిటల్ వేదిక(Nagarjuna OTT entry)లో అడుగుపెట్టేందుకు సిద్ధమయ్యారు. ఓ ప్రముఖ ఓటీటీ కోసం నాగ్ పనిచేయనున్నారని తెలుస్తోంది.
ఓ ప్రముఖ ఓటీటీ రూపొందించనున్న యాక్షన్ థ్రిల్లర్ సిరీస్లో నాగార్జున నటించనున్నారని టాలీవుడ్లో ప్రచారం జరుగుతోంది. అయితే ఆ సిరీస్ ఇతర నటీనటుల గురించి పూర్తి స్పష్టత రాలేదు. దానికి సంబంధించిన పూర్తి వివరాలతో ఈ నెలలోనే అధికార ప్రకటన రానున్నట్లు తెలుస్తోంది. మరోవైపు కల్యాణ్ కృష్ణ దర్శకత్వంలో రూపొందనున్న 'బంగార్రాజు'(Bangarraju) చిత్రీకరణ జులైలో ప్రారంభంకానుంది.
ఇదీ చూడండి.. పెళ్లి తర్వాత సాహసం.. వేశ్య పాత్రలో కాజల్!
