గుండెపోటుతో కన్నుమూసిన కన్నడ పవర్స్టార్ పునీత్ రాజ్కుమార్ అంత్యక్రియలు.. ఆదివారం(అక్టోబర్ 31) జరగనున్నాయి. ఈ విషయాన్ని కర్ణాటక సీఎం బసవరాజు బొమ్మై తెలిపారు.
పునీత్ కూతురు అమెరికా నుంచి దిల్లీకి చేరుకున్నట్లు బొమ్మై వెల్లడించారు. ఆమె బెంగళూరు చేరుకునేసరికి సాయంత్రం 7 గంటలు అవుతుందని పేర్కొన్నారు. తమ ఆచారం ప్రకారం సూర్యాస్తమయంలో అంత్యక్రియలు నిర్వహించరని.. అందుకే ఆదివారం జరుపుతారని చెప్పుకొచ్చారు.
శుక్రవారం(అక్టోబర్ 29) ఉదయం 11:30 గంటల సమయంలో జిమ్లో వ్యాయామం చేస్తున్న సమయంలో పునీత్కు ఛాతీలో నొప్పి వచ్చింది. దీంతో ఆస్ప్రత్రిలో చేర్చారు. కానీ వైద్యులు ఆయన ప్రాణాలు కాపాడలేకపోయారు. ఈ విషయం తెలియగానే పలు భాషలకు చెందిన నటీనటులు.. సంతాపం వ్యక్తం చేశారు. అభిమానులు శోకసంద్రంలో మునిగిపోయారు. ఆయన పార్ధివ దేహాన్ని బెంగళూరులోని కంఠీవ స్టేడియంలో అభిమానులు సందర్శనార్ధం ఉంచారు.
ఇదీ చూడండి: పునీత్ పార్థివ దేహం వద్ద ఎన్టీఆర్ కన్నీటి పర్యంతం
