కరోనా(coronavirus cases) కొట్టిన దెబ్బ చిత్ర పరిశ్రమకు చాలా బలంగా తగిలింది. ఆ గాయం నుంచి ఇప్పుడిప్పుడే కోలుకుంటోంది. కొన్ని రాష్ట్రాల్లో థియేటర్లు(theatres open) తెరచుకున్నాయి. కొన్ని చోట్ల ఇంకా లేదు. భారతీయ చిత్ర పరిశ్రమకు కీలకంగా నిలిచే మహారాష్ట్రలో(theatres in mumbai) ఈ నెల 22 తర్వాత థియేటర్లు తెరచుకోనుండటం వల్ల సినిమాలు వరస కడుతున్నాయి. ఈ నెలాఖరుకు సుమారు అన్నిచోట్లా థియేటర్లు అందుబాటులోకి రానున్నాయి. వచ్చే నాలుగు నెలల కాలంలో 100 సినిమాలకు పైగా విడుదల కావడానికి సిద్ధంగా ఉన్నాయి. దీంతో భారతీయ చిత్ర పరిశ్రమ ఒకప్పటి వైభవంతో కొత్తకాంతులు విరజిమ్ముతుందని అందరి నమ్మకం. ఆ దిశగానే హిందీ చిత్రసీమతో పాటు ఇతర భాషా సినీ పరిశ్రమలూ వేగంగా అడుగులు వేస్తున్నాయి.
కరోనా రాకముందు అంటే 2019లో భారతీయ చిత్ర పరిశ్రమకు(indian cinema father) కాసుల పంట పండింది. అన్ని భాషల్లోనూ కలిసి సుమారు రూ.10,000 కోట్లు ఆ ఏడాదిలో వచ్చాయి. వచ్చే ఏడాది కచ్చితంగా అలాంటి భారీ మొత్తాన్ని చిత్రసీమ చూస్తుందని సినీ ప్రముఖులు అంచనా వేస్తున్నారు.
* వచ్చే నాలుగు నెలల్లో ప్రతివారం తక్కువలో తక్కువ 5 నుంచి 6 చిత్రాలు విడుదల కానున్నాయి. వీటిల్లో కనీసం రెండైనా భారీ అంచనాలున్నవి.
* ఈ ఏడాది చివరి నాటికి సుమారుగా రూ.4000 - 6000 కోట్లు బాక్సాఫీసు వద్ద వసూళ్లు దక్కనున్నట్టు ట్రేడ్‌ పండితులు అంచనా వేస్తున్నారు.
* నాలుగు నెలల కాలంలో రానున్న చిత్రాల్లో హిందీ చిత్ర పరిశ్రమలో ప్రతి రెండో వారం కచ్చితంగా ఒకటి లేదా రెండు భారీ విజయాలు సాధించడం ఖాయం అని అంచనా.
* ఈ నెల 23 నుంచి మహారాష్ట్రలో థియేటర్లు తెరిచాకా లెక్కేసుకుంటే దేశం మొత్తంలో 98శాతం తెరలు అందుబాటులోకి వచ్చేస్తాయి. మొత్తంగా 3000 మల్టీప్లెక్స్‌ల్లో సినిమాలు సందడి చేయనున్నాయి.
* "వారం వారానికి విడుదలయ్యే సినిమాల సంఖ్య, ఆదాయం 25 శాతం పెరగనుంది. కనీసం ప్రతి రెండు వారాలకు ఓ బ్లాక్‌బస్టర్‌ హిట్‌ ఖాయం. ఇది మరింత పెరగొచ్చు కూడా" అని అంటున్నారు మల్టీప్లెక్స్‌ అసోషియేషన్‌ ఆఫ్‌ ఇండియా ప్రెసిడెంట్‌ కమల్‌ జ్ఞాన్‌చందాని.
* గతేడాది మార్చి వరకే థియేటర్లు తెరచుకోవడం వల్ల ఆదాయం రూ.2000 కోట్లు మించలేదు. ఈ ఏడాది ఇంకా మూడు నెలలు ఉంది కాబట్టి విడుదల కాబోయే సినిమాలు కూడా భారీ చిత్రాలు కావడం వల్ల 2021లో రూ.6000 కోట్లు కచ్చితంగా వస్తాయని సినీ పండితులు అంచనా వేస్తున్నారు.
* ఈ నెల 23 తర్వాత మహారాష్ట్రలో 1000 తెరలు అందుబాటులోకి రానుండటం వల్ల ప్రముఖ నిర్మాణ సంస్థలు తమ చిత్రాల్ని ప్రేక్షకుల ముందుకు తీసుకురానున్నాయి.
