రాత్రివేళలో భోజనానికి బదులు రెడ్వైన్ తాగుతానంటోంది ప్రముఖ బుల్లితెర యాంకర్ అనసూయ. ఇటీవలే ఓ ఇంటర్వ్యూలో మాట్లాడుతూ.. రెడ్వైన్ ఆరోగ్యానికి, గుండెకు చాలా మంచిదని వెల్లడించింది. ఆకలిగా ఉంటే రాత్రి నిద్రపట్టదని.. అందుకే నిద్రపోయే ముందు భోజనానికి బదులు రెడ్వైన్ తాగుతానని చెబుతోంది.
అయితే ఇలా ఇతరులకు నిద్రపట్టే అవకాశం ఉందో లేదో తనకు తెలియదని బదులిచ్చింది. తనకైతే ఆ పానీయం చాలా బాగా పనిచేస్తుందని వెల్లడించింది. అనసూయ ప్రస్తుతం అనేక టీవీ కార్యక్రమాల షూటింగ్లో పాల్గొంటూ బిజీగా ఉంది.
యాంకర్‌గా, నటిగా తెలుగు చిత్ర పరిశ్రమలో తనకంటూ ఓ గుర్తింపు సంపాదించుకుంది అనసూయ. 'క్షణం', 'రంగస్థలం', 'యాత్ర', 'కథనం' తదితర సినిమాల్లో ఆమె నటనకు ప్రశంసలు లభించాయి. బుల్లితెరతోపాటు వెండితెరపై కూడా రాణిస్తున్న అనసూయ.. ఆమె నటనతోపాటు వ్యక్తిత్వంతోనూ అనేక మంది అభిమానులను సొంతం చేసుకున్నారు.
ఇదీ చూడండి... బాధ, ఒత్తిడి.. వేర్వేరు భావాలు: దీపికా పదుకొణె
