Akhil Agent Movie: సురేందర్ రెడ్డి దర్శకత్వంలో అక్కినేని అఖిల్ నటిస్తున్న చిత్రం 'ఏజెంట్'. ఏకే ఎంటర్ టైన్ మెంట్స్ పతాకంపై నిర్మిస్తున్న ఈ సినిమా విడుదల తేదీని చిత్ర బృందం ఖరారు చేసింది. ఈ ఏడాది ఆగస్టు 12న 'ఏజెంట్'ను ప్రేక్షకుల ముందుకు తీసుకురాబోతున్నట్లు వెల్లడించింది.
ఈ సందర్భంగా గన్తో అఖిల్ యాక్షన్ సీన్లో ఉన్న పోస్టర్ను అభిమానులతో పంచుకుంది చిత్రబృందం. 'ఏజెంట్' పోస్టర్తో అక్కినేని అభిమానుల్లో ఉత్సాహం నెలకొంది.
'జేమ్స్' పాట..
దివంగత కన్నడ సూపర్స్టార్ పునీత్ రాజ్కుమార్ నటించిన చివరి చిత్రం 'జేమ్స్'. ఈ చిత్రంలోని సలామ్ సోల్జర్ అనే లిరికల్ సాంగ్ను విడుదల చేశారు మేకర్స్.
- " class="align-text-top noRightClick twitterSection" data="">
పునీత్ జయంతి సందర్భంగా మార్చి 17న దేశవ్యాప్తంగా 4,000 థియేటర్లలో 'జేమ్స్' విడుదల కానుంది. ఈ సినిమాలో పునీత్ ఓ సెక్యూరిటీ కంపెనీలో మేనేజర్ పాత్రలో నటిస్తున్నారు. ఆయన సరసన ప్రియా ఆనంద్ నటించింది. ఈ చిత్రానికి చేతన్ కుమార్ దర్శకత్వం వహిస్తుండగా.. కిషోర్ పత్తికొండ నిర్మిస్తున్నారు.
'మిషన్ ఇంపాజిబుల్' హంగామా..
'ఏజెంట్ సాయిశ్రీనివాస్ ఆత్రేయ' దర్శకుడు స్వరూప్ దర్శకత్వం వహించిన రెండో చిత్రం 'మిషన్ ఇంపాజిబుల్'. తాప్సీ ప్రధాన పాత్రలో హర్ష, భాను ప్రకాశ్, జయతీర్థ బాలనటులు ముఖ్య పాత్రలు పోషించిన ఈ చిత్రం ఏప్రిల్ 1న విడుదలనుంది. ఈ సందర్భంగా వినూత్నంగా 'మిషన్ ఇంపాజిబుల్' ప్రచారాన్ని మొదలుపెట్టిన చిత్ర యూనిట్... ట్రైలర్ విడుదల కోసం హంగామా మొదలుపెట్టింది.
- " class="align-text-top noRightClick twitterSection" data="">
వైవా హర్షా ఆధ్వర్యంలో యువ దర్శకులు వినోద్, వివేక్ ఆత్రేయ, భరత్ కమ్మ, తరుణ్ భాస్కర్, సందీప్ రాజ్, ప్రశాంత్ వర్మలతో బాలనటులు చేసిన సందడి నవ్వులు పూయిస్తోంది. మార్చి 14న 'మిషన్ ఇంపాజిబుల్' ట్రైలర్ విడుదల చేసేందుకు చిత్ర నిర్మాణ సంస్థ మ్యాట్నీ ఎంటర్ టైన్ మెంట్ నిర్ణయించింది.
ఓటీటీలో 'ఎఫ్‌.ఐ.ఆర్‌'
విష్ణు విశాల్‌ కథానాయకుడిగా నటిస్తూ, ఆయన స్వయంగా నిర్మించిన డార్క్‌ యాక్షన్ థ్రిల్లర్‌ చిత్రం 'ఎఫ్‌.ఐ.ఆర్‌'. మను ఆనంద్ దర్శకుడు. ఇటీవల ప్రేక్షకుల ముందుకు వచ్చిన ఈ సినిమా బాక్సాఫీస్‌ వద్ద మంచి టాక్‌నే తెచ్చుకుంది. ఉగ్రవాదం నేపథ్యంలో ఆద్యంతం ఉత్కంఠగా సాగే కథ, కథనాలతో సినిమాను తీర్చిదిద్దారు. ఇప్పుడు ఓటీటీ వేదికగా ప్రేక్షకులకు మరింత చేరువ కానుంది. ప్రముఖ ఓటీటీ అమెజాన్‌ ప్రైమ్‌ వీడియో మార్చి 12వ తేదీ నుంచి 'ఎఫ్‌.ఐ.ఆర్‌'ను స్ట్రీమింగ్‌ చేయనున్నట్లు శుక్రవారం ప్రకటించింది.
ఇదీ చూడండి: రాధేశ్యామ్ పబ్లిక్ టాక్: 'ఓ మంచి ప్రయత్నం.. కానీ...'
