గత కొన్నేళ్లుగా పాన్ ఇండియా సినిమాల వల్ల తెలుగు సినీ పరిశ్రమతో పాటు తారల స్టార్డమ్ కూడా పెరుగుతోంది. హిందీలోనూ వారికి పలువురు దర్శకనిర్మాతలు ఆఫర్లు ఇస్తున్నారు. దీంతో ప్రభాస్, విజయ్ దేవరకొండ, రష్మిక లాంటి నటీనటులు ముంబయిలో ఫ్లాట్స్ కొని అక్కడా సెటిలవుతున్నారు. ఇప్పుడు మరో ఇద్దరు స్టార్స్ కూడా అక్కడ సొంత ఫ్లాట్ను కొనుగోలు చేసినట్లు తెలుస్తోంది.
'ఆర్ఆర్ఆర్'లో నటిస్తున్న రామ్చరణ్.. సతీమణి ఉపాసనతో కలిసి స్నేహితులకు గతవారం పార్టీ ఇచ్చారట. ముంబయిలో ఫ్లాట్ కొన్నందుకేనని వార్తలు వస్తున్నాయి. అయితే ప్రస్తుతం చేస్తున్న చిత్రం, ఆ తర్వాత శంకర్ దర్శకత్వంలో చేస్తున్న ప్రాజెక్టు కూడా పాన్ ఇండియావే కావడం వల్ల చరణ్.. ముంబయిలోనూ ఓ ఫ్లాట్ తీసుకుంటే బాగుంటుందని భావించారట.
అలానే ముద్దుగుమ్మ సమంత కూడా అక్కడ ఖరీదైన ఫ్లాట్ కొనుగోలు చేసినట్లు తెలుస్తోంది. 'ద ఫ్యామిలీ మ్యాన్ 2' సిరీస్తో ఆకట్టుకుని, దేశవ్యాప్తంగా అభిమానుల్ని సంపాదించుకుందీ భామ. దీంతో పలువురు హిందీ దర్శకనిర్మాతలు ఈమెను సంప్రదిస్తున్నారట. దీంతో తన మకాం ముంబయి మార్చుకుందట సమంత. ప్రస్తుతం ఈమె 'శాకుంతలం' అనే పీరియాడికల్ డ్రామాలో నటిస్తోంది.
ఇవీ చదవండి:
