ఈ-కామర్స్ దిగ్గజం అమెజాన్.. తన వాయిస్ అసిస్టెంట్ 'అలెక్సా'లో త్వరలోనే బాలీవుడ్ మెగాస్టార్ అమితాబ్ బచ్చన్ వాయిస్ను తీసుకురానుంది. బిగ్బీ భాగస్వామ్యంతో తమ వినియోగదారులు సరికొత్త అనుభూతి పొందుతారని అమెజాన్ తెలిపింది.
వచ్చే ఏడాది నుంచి అందుబాటులోకి రానున్న ఈ ఫీచర్ కోసం.. అమితాబ్, అలెక్సా వాయిస్ను రూపొందిస్తున్నాయి. వినియోగదారులు బిగ్బీ వాయిస్ను ఆస్వాదించాలంటే అలెక్సా వాయిస్ ఎనేబుల్డ్ పరికరాలను కొనుగోలు చేసుకోవాలి. వీటి ద్వారా జోకులు, కవితలు, ప్రేరణాత్మక సూక్తులు, వాతవరణ తదితర అంశాలను అమితాబ్ వాయిస్లో వినియోగదారులు వినే వెసులుబాటు ఉంటుంది.
అమెజాన్తో కలిసి భాగస్వామ్యం నెలకొల్పినందుకు ఆనందం వ్యక్తం చేశారు అమితాబ్.
"టెక్నాలజీ.. ఎల్లప్పుడూ మార్పులకు అనుగుణంగా సినిమాలు, టీవీ షోలు, పోడ్క్యాస్ట్లలో నాకు చాలా అవకాశాలిచ్చింది. ఇప్పుడు అలెక్సాతో నా గాత్రం పంచుకోవడం సంతోషంగా ఉంది. ఈ వాయిస్ టెక్నాలజీతో ప్రేక్షకులను అలరించేందుకు నా వంతు కృషి చేస్తా."
- అమితాబ్ బచ్చన్, బాలీవుడ్ నటుడు
అమెజాన్ డిజిటల్ అసిస్టెంట్ అలెక్సా ఎకో పరికరాలు, వాయిస్ రిమోట్తో పనిచేసే ఫైర్ టీవీ స్టిక్, ఉచితంగా లభించే అలెక్సా యాప్, అమెజాన్ యాప్లలో ఈ ఫీచర్ లభించనుంది.
ఇదీ చదవండి: అమెజాన్లో లక్ష ఉద్యోగాల నియామకం
