యాదాద్రి భువనగిరి జిల్లా మోత్కూరు మున్సిపాలిటీ పరిధిలోని ఇందిరానగర్ ఎదురుగా ఉన్న శ్రీలక్ష్మీ వెంచర్లో గుర్తు తెలియని వ్యక్తలు సుమారు ఐదు లారీల ఇసుకను అక్రమంగా నిల్వచేశారు. దానిని గమనించిన వెంచర్ యజమాని పోలీసు స్టేషన్లో ఫిర్యాదు చేశారు.
ఈవిషయంపై వెంచర్ యజమాని తమకు ఫిర్యాదు చేశారని ఎస్సై ఉదయ్ కిరణ్ తెలిపారు. వెంచర్లో ఇసుక ఎవరు పోశారనే విషయంలో ఆధారాలు లేకపోవడం వల్ల తాము తహసీల్దారుకు నివేదించామన్నారు. మైనింగ్ అధికారుల సూచన మేరకు ఇసుకను సీజ్ చేశామని ఎస్సై వివరించారు.
ఇదీ చూడండి: యథేచ్ఛగా ఇసుక దందా... చూసీచూడనట్లు అధికారుల పంథా!
