పాక్ మాజీ ప్రధాని నవాజ్ షరీఫ్పై అరెస్ట్ వారెంట్ జారీ చేసింది ఆ దేశ ప్రభుత్వం. గుండె సంబంధిత చికిత్స కోసం లాహార్ హైకోర్టు అనుమతితో గతేడాది నవంబర్లో లండన్ వెళ్లిన షరీఫ్.. అక్కడే తలదాచుకుంటున్నారు. ఈ నేపథ్యంలో లండన్లోని తమ రాయబార కార్యాలయం ద్వారా అరెస్ట్ వారెంట్ పంపింది పాక్.
అవెన్ఫీల్డ్ ఆస్తుల కేసులో నవాజ్ షరీఫ్ సహా.. ఆయన కుమార్తె, అల్లుడు 2018 జులై 6న దోషులుగా తేలారు. దీంతోపాటు అల్-అజిజియా కుంభకోణంలోనూ నిందితుడైన షరీఫ్కు 2018 డిసెంబర్లో ఏడేళ్ల జైలుశిక్ష విధించింది అక్కడి న్యాయస్థానం. అయితే.. ఈ రెండు కేసుల్లోనూ బెయిల్ పొందిన మాజీ ప్రధాని.. చికిత్స కోసం లండన్ వెళ్లారు. అయితే గడువులోగా స్వదేశానికి తిరిగి రానందున షరీఫ్కు అరెస్ట్ వారెంట్ పంపింది ఇమ్రాన్ ఖాన్ ప్రభుత్వం.
అప్పీల్ కొట్టివేత..
ఈ కేసు విషయంలో తనకు విధించిన శిక్షను రద్దు చేయాలని, హాజరు నుంచి మినహాయింపు ఇవ్వాలని కోరుతూ కోర్టును ఆశ్రయించారు షరీఫ్. ఇటీవలే ఆ అప్పీల్ను కొట్టేసిన ఇస్లామాబాద్ హైకోర్ట్.. నాన్ బెయిలబుల్ ఆరెస్ట్ వారెంట్ జారీ చేసింది.
ఇదీ చదవండి: 'ఇదే చివరి అవకాశం.. ఈనెల 10లోపు హాజరవ్వాల్సిందే'
