చైనాలో మరోసారి కరోనా వైరస్ విజృంభిస్తోంది. కొత్తగా 39 కరోనా కేసులు నమోదయ్యాయి. అయితే ఆ రోగుల్లో 36 మందికి కరోనా రోగ లక్షణాలు బయటకు కనిపించడం లేదని వైద్యులు తెలిపారు.
"మొత్తం 39 కేసుల్లో మూడు కరోనా పాజిటివ్ కేసులుగా ధ్రువీకరించాం. ఒకరికి స్థానికంగానే వైరస్ సంక్రమణ జరగగా... మరో ఇద్దరు విదేశాల నుంచి వచ్చినవారు."
- చైనా జాతీయ ఆరోగ్య కమిషన్
రోగ లక్షణాలు కనిపించని మిగతా 36 కొత్త కేసుల్లో... 30 హుబే, ఆ రాష్ట్ర రాజధాని వుహాన్లోనే నమోదైనట్లు ఎన్హెచ్సీ వెల్లడించింది. దేశంలోని మొత్తం 371 మంది లక్షణాలు కనిపించని రోగుల్లో... 297 మంది హుబేలోనే ఉన్నారని, వీరంతా క్వారంటైన్లో ఉన్నట్లు తెలిపింది.
అధికారిక గణాంకాల ప్రకారం, చైనాలో ఇప్పటి వరకు 82,974 కరోనా కేసులు, 4,634 మరణాలు నమోదయ్యాయి.
ఇదీ చూడండి: 2 నెలల తర్వాత ఉపశమనం- ఆంక్షలు సడలింపు
