అఫ్గానిస్థాన్​లో విమాన ప్రమాదం- పలువురు మృతి!

అఫ్గానిస్థాన్​లోని ఘజినీ రాష్ట్రంలో ఓ విమానం కుప్పకూలింది. ప్రయాణికుల పరిస్థితిపై మరింత సమాచారం అందాల్సి ఉంది.

అఫ్గానిస్థాన్​ ఘజినీ రాష్ట్రం డే యేక్ జిల్లాలో ప్రయాణికుల విమానం కుప్పకూలింది. తాలిబన్ల అధీనంలోని ప్రాంతంలో స్థానిక కాలమానం ప్రకారం మధ్యాహ్నం 1.10కి ఈ ప్రమాదం జరిగింది.

విమానం అరియానా ఎయిర్​లైన్స్​కు చెందినది. కూలిన వెంటనే మంటలు చెలరేగాయి. చుట్టుపక్కల గ్రామాల ప్రజలు అక్కడకు చేరుకుని సహాయక చర్యలు ప్రారంభించారు. మంటలు ఆర్పేందుకు ప్రయత్నించారు. ప్రమాద సమయంలో విమానంలో ఎంత మంది ఉన్నారు, ప్రస్తుతం వారి పరిస్థితి ఏంటన్నదానిపై మరింత సమాచారం అందాల్సి ఉంది.