డేటింగ్ యాప్స్తో వలపన్ని ఐదేళ్ల క్రితం ముగ్గురు మహిళలను అత్యంత దారుణంగా హతమార్చిన కిరాతకుడికి(serial killer in america) 160 ఏళ్ల జైలు శిక్ష విధించింది కోర్టు. ఈ సంఘటన అమెరికా, న్యూ జెర్సీ రాష్ట్రంలో జరిగింది. మూడు హత్యలు, ఒక హత్యాయత్నం, అపహరణ, దారుణంగా దహనం చేయటం వంటి ఆరోపణలపై తీర్పు ఇచ్చింది న్యాయస్థానం. నేరాలకు పాల్పడినప్పుడు నిందితుడి వయసు 20 ఏళ్లే కావటం గమనార్హం.
నెవార్క్లోని అత్యున్నత న్యాయస్థానంలో జడ్జీ తీర్పు చెప్పిన తర్వాత.. షాక్కు గురై కొన్ని క్షణాలపాటు నిందితుడు ఖలీల్ వీలర్-వీవర్(25) కదలకుండా కూర్చుండిపోయాడు(serial killer). తనకు ఈ సంఘటనలతో ఎలాంటి సంబంధం లేదని వాదించాడు. తనను కావాలనే ఈ కేసులో ఇరికించారని జడ్జి మార్క్ ఎస్.అలీతో చెప్పాడు. వీలర్ తల్లి, అత్తమ్మ, సోదరుడు కోర్టుకు హాజరైనా ఏమి మాట్లాడకుండా ఉండిపోయారు.
ఫేక్ అకౌంట్లతో..
నిందితుడిని(serial killer) పట్టించేందుకు.. బాధితురాలు సారా బట్లర్ స్నేహితులు సామాజిక మాధ్యమాల్లో సొంతంగా డిటెక్టివ్ పని మొదలు పెట్టి విజయం సాధించారు. ఫేక్ అకౌంట్లు రూపొందించి.. వీలర్ వీవర్ తమ ఉచ్చులో పడేలా చేశారు. మోంట్క్లేయర్లో కలుద్దామని చెప్పి పోలీసులకు పట్టించారు. వారి పనిని ఎస్సెక్స్ కౌటీ ప్రాసిక్యూటర్స్ కార్యాలయం ప్రశంసించింది.
అలాగే.. తనపైనా దాడి చేసి హత్య చేసేందుకు ప్రయత్నించాడని నాలుగో బాధితురాలు కోర్టులో సాక్ష్యం చేప్పటం వల్ల వీలర్కు కఠిన శిక్ష పడింది. 2016లో సెప్టెంబర్-డిసెంబర్ మధ్య వెస్ట్, బట్లర్ల మృతదేహాలు దొరికాయి. ఆయా ప్రాంతాల్లో దుండగుడి సెల్ఫోన్ సిగ్నల్స్ లభ్యమైనట్లు ఆధారాలు సమర్పించారు పోలీసులు.
ఒకరి తర్వాత ఒకరిని..
ఈ తీర్పుకు ముందు బాధితులు రాబిన్ వెస్ట్(19), సారా బట్లర్ కుటుంబ సభ్యులు భావోద్వేగానికి లోనయ్యారు. తమ వారికి జరిగిన అన్యాయంపై కోర్టులో మాట్లాడారు. ఫిలడెల్ఫియాకు చెందిన వెస్ట్ 2016, ఆగస్టు 31న వీలర్ కారు ఎక్కుతూ కనిపించింది. కొన్ని గంటల్లోనే హత్యకు గురైంది. ఆమె మృతదేహాన్ని తన నివాసానికి సమీపంలోని పాడుబడిన ఓ ఇంటిలో పడేసి.. నిప్పంటించాడని అధికారులు తెలిపారు. ఆమెను గుర్తించేందుకు రెండు వారాలు పట్టినట్లు చెప్పారు. మరో బాధితురాలు నెవార్క్కు చెందిన జోన్ బ్రౌన్(33).. వెస్ట్ను గుర్తించిన నెల రోజుల తర్వాత హత్యకు గురైంది. ఆమెను సైతం ఓ పాడుబడిన ఇంట్లోనే ఆరువారాల తర్వాత గుర్తించారు. మరో బాధితురాలు సారా బట్లర్ 2016లో థ్యాంక్స్గివింగ్ ముందు బ్రౌన్ హత్య జరిగిన నెల తర్వాత కనిపించకుండా పోయింది. నాలుగు రోజుల తర్వాత ఆమె మృతదేహాన్ని గుర్తించారు. వారందరిని దుస్తులతో గొంతు నులిమి హత్యచేసినట్లు తేలింది.
ఇదీ చూడండి: ఒళ్లు గగుర్పొడిచే కిల్లర్ కథ... 18 హత్యల వెనుక క్రైం కహానీ!
