Professor Kenyon Wilson: అమెరికాలోని యూనివర్సిటీ ఆఫ్ టెన్నెస్సీలోని ప్రొఫెసర్ కెన్యాన్ విల్సన్.. తన విద్యార్థులు సిలబస్ను పూర్తిగా చదువుతున్నారో లేరో తెలుసుకోవాలనుకున్నారు. అందుకోసం ఓ వెరైటీ టెస్ట్ పెట్టారు.
Professor Cash Prize Syllabus: ఓ మ్యూజిక్ సెమినార్ కోసం 3 పేజీల సిలబస్ను విద్యార్థులకు ఇచ్చి పూర్తిగా చదవమన్నారు. క్లాస్లోని 70 మంది తమ పేర్లు నమోదు చేసుకోగా, ఎవరూ టెస్ట్ పాస్ కాలేకపోయారు. ఎందుకంటే.. ఆ సిలబస్లోని రెండో పేజీలో ఓ లాకర్కు సంబంధించి లొకేషన్ దాని కాంబినేషన్ క్లూలు ఉంచారు. ఆ లాకర్లో 50 డాలర్లు(రూ. 3800) ఉండటం విశేషం. విద్యార్థులు ఎవరూ అది కనిపెట్టలేకపోయారు.
''క్లెయిమ్ చేసిన మొదటి వ్యక్తికి ఉచితం; లాకర్ నెంబర్ 147; కాంబినేషన్ 15,25,35'' అని ఆ పేజీలో ఉంది.
కానీ డిసెంబర్ 8తో సెమిస్టర్ ముగిసింది. విద్యార్థులు ఇళ్లకు వెళ్లారు. కానీ నగదు మొత్తం ఆ లాకర్లోనే ఉంది. ఈ విషయాన్నంతా ఆ ప్రొఫెసరే ఫేస్బుక్లో పోస్ట్ చేయడం విశేషం.
- " class="align-text-top noRightClick twitterSection" data="">
''సెమిస్టర్ మొత్తం విద్యార్థులపై చేసిన ప్రయోగం ముగిసింది. ఎవరూ పొందని నిధిని తిరిగి నేనే దక్కించుకున్నాను.''
- కెన్యాన్ విల్సన్, ప్రొఫెసర్
ఆయన చేసిన పోస్ట్ గురించి ఏకంగా కెనడియన్ బ్రాడ్కాస్టింగ్ కార్పొరేషన్.. విల్సన్ను సంప్రదించడం గమనార్హం. ఆ తర్వాత ఇది మరింత వైరల్ అయింది.
కరోనా కాలంలో పిల్లలకు కాస్త వినూత్నంగా పాఠాలు చెప్పాలని అలా చేస్తున్నట్లు చెప్పుకొచ్చారు విల్సన్. తన విద్యార్థులను చూసి కోపం రావట్లేదని, తాను చిన్నవయసులో ఉన్నప్పుడు కూడా ఇలాంటివి మిస్ అయ్యేవాడినేమో అంటున్నారు.
ఇది ఫెయిల్ అయినందున.. నెక్ట్స్ ఏం ప్రయోగించాలో సలహాలు కూడా కోరారు.
ఇవీ చూడండి: లక్షలాది నగ్న చిత్రాలు, వీడియోలతో మ్యుజిషియన్‌ అరెస్ట్!
