నైజీరియాలో (Nigeria News) జరిగిన కాల్పుల్లో సుమారు 43మంది చనిపోయారు. ఆ దేశానికి వాయువ్య భాగంలో ఉన్న సొకోటో రాష్ట్రంలోని ఓ గ్రామ మార్కెట్లో ఆ ఘటన జరిగినట్లు రాష్ట్ర ప్రభుత్వ ప్రతినిధి ఒకరు తెలిపారు. ఇందుకు సంబంధించిన దర్యాప్తు కొనసాగుతున్నట్లు చెప్పారు.
తొలుత 30మంది చనిపోగా.. 20మందికి తీవ్రగాయాలైనట్లు స్థానిక మీడియా తెలిపింది. సుమారు 200 మంది మార్కెట్లోకి వచ్చి అక్కడున్న వారిపై విచక్షణారహితంగా కాల్పులు జరిపినట్లు ప్రత్యక్షసాక్షులు చెప్పుకొచ్చారు. వీరంతా మోటార్ సైకిల్పై వచ్చారని పేర్కొన్నారు. ఈ నెల 8న ఇలాంటి ఘటనే ఒకటి జరిగింది. నైజీరియా (Nigeria News) సరిహద్దుల్లో ఉండే నైజర్కు సమీపంలో ఉన్న ఓ గ్రామ మార్కెట్లోకి చొరబడిన బందిపోట్లు కాల్పులు జరిపారు. ఈ ఘటనలో 19 మంది మరణించారు.
నైజీరియాలోని ఇలాంటి నేరాలు తరుచూ.. వెలుగు చూస్తూనే ఉన్నాయి.
ఇదీ చూడండి: బంగ్లాదేశ్లో ఆగని అల్లర్లు.. 86 ఇళ్లు ధ్వంసం
