RC 16 Heroine : గ్లోబల్ స్టార్ రామ్చరణ్ - యంగ్ డైరెక్టర్ బుచ్చిబాబు సనా కాంబోలో ఓ సినిమా తెరకెక్కనున్న విషయం తెలిసిందే. ఈ సినిమాకు 'ఆర్సీ 16' అనే టైటిల్ ప్రచారంలో ఉంది. విలేజ్ బ్యాక్డ్రాప్లో ఈ సినిమా రూపొందనున్నట్లు తెలుస్తోంది. ఈ చిత్రంలో హీరో రామ్చరణ్ పాత్ర.. పవర్‌ఫుల్‌గా ఉండనుంది. అయితే ఈ సినిమాలో హీరోయిన్ ఎవరన్నదానిపై తొలినుంచి ఆసక్తి నెలకొంది.
ఈ క్రమంలో.. ఆర్సీ 16లో హీరోయిన్గా రవీనాటాండన్ కుమార్తె రాషా థడానీ, కీర్తిసురేశ్‌ నటించనున్నారని వారి పేర్లు అనేక సార్లు వినిపించాయి. తాజాగా ఇప్పుడు నేచురల్ బ్యూటీ సాయి పల్లవి పేరు తెరమీదకు వచ్చింది. ఆమె రామ్చరణ్తో జతకట్టనున్నారని ఇన్సైట్ టాక్. ఈ మేరకు మూవీటీమ్ సాయి పల్లవితో సంప్రదింపులు జరిపారని సమాచారం. ఈ సినిమాలో నటుడు విజయ్‌ సేతుపతి.. విలన్గా కనిపించనున్నట్లు టాక్. అయితే నటీనటుల గురించి చిత్రబృందం అధికారికంగా ఎలాంటి ప్రకటన చేయలేదు.
కానీ, చెర్రీ సరసన సాయి పల్లవి నటిస్తే బాగుంటుందని మెగా ఫ్యాన్స్ కామెంట్స్ పెడుతున్నారు. ప్రముఖ నిర్మాణ సంస్థ మైత్రీ మూవీ మేకర్స్‌, వృద్ధి సినిమాస్‌, సుకుమార్‌ రైటింగ్స్‌ సంస్థలు కలిసి ఈ సినిమాను నిర్మిస్తున్నాయి. ఆస్కార్ అవార్డ్ విన్నర్ మ్యూజిక్ డైరెక్టర్ ఏఆర్ రెహమాన్.. ఈ సినిమాకు సంగీతం అందించనున్నారు.
ఇటీవల బిగ్బాస్ హౌస్‌లోకి వెళ్లిన దర్శకుడు బుచ్చిబాబు.. ఈ సినిమా గురించి ఓ అప్డేట్ ఇచ్చారు. బిబ్బాస్ 7 కంటెస్టెంట్ అంబటి అర్జున్‌ ఈ సినిమాలో కీలక రోల్ చేస్తున్నారని చెప్పారు. "రామ్ చరణ్ సర్‌ మూవీలో నువ్వొక సూపర్‌ పాత్ర చేయబోతున్నావ్‌. ఫిక్స్‌ అయిపో" అని బిగ్బాస్ట్ స్టేజ్ మీద నుంచి అనౌన్స్ చేశారు. దీంతో అర్జున్‌ సంతోషంలో మునిగిపోయాడు.
అయితే ప్రస్తుతం రామ్చరణ్.. 'గేమ్ ఛేంజర్' సినిమా చేస్తున్నారు. దర్శక దిగ్గజం శంకర్.. ఈ సినిమాను తెరకెక్కిస్తున్నారు. ఈ సినిమాలో బాలీవుడ్ బ్యూటీ కియారా అడ్వాణీ హీరోయిన్గా నటిస్తున్నారు. శ్రీ వెంకటేశ్వర క్రియేషన్స్ బ్యానర్పై ప్రముఖ నిర్మాత దిల్రాజు ఈ సినిమా రూపొందిస్తున్నారు.
