Ramcharan Game changer release date 2023 : దిగ్గజ డైరెక్టర్ శంకర్ భారీ చిత్రాలకు కేరాఫ్ అడ్రెస్. సామాజిక అంశాల కథలకు భారీ కమర్షియల్ హంగులను జోడించి అద్భుతంగా సినిమాలను తీర్చిదిద్దడం ఆయన స్పెషాలిటీ. లార్జన్‌ దేన్‌ లైఫ్గా సినిమాలను రూపొందిస్తుంటారు.
ఆయితే చాలా కాలంగా తన రేంజ్కు తగ్గట్టు భారీ హిట్ను అందుకోలేకపోయారు. ప్రస్తుతం కమల్ హాసన్తో 'భారతీయుడు 2', రామ్చరణ్తో 'గేమ్ ఛేంజర్' చేస్తున్నారు. ఇవి రెండు కూడా సోషల్ మెసేజెస్ సినిమాలే. వీటిని కూడా భారీ హంగులతో చిత్రీకరిస్తున్నారు. సినీ ప్రియులు కూడా ఈ రెండు చిత్రాల కోసం ఎంతో ఆసక్తిగా ఎదురుచూస్తున్నారు.
Kamalhassan Bharatiyudu 2 release date : అయితే ఇప్పుటికే భారతీయుడు 2 రిలీజ్పై ఓ క్లారిటీ వచ్చింది. వచ్చే సంక్రాంతికి దీన్ని తీసుకురావాలని మూవీమేకర్స్ ప్లాన్ చేస్తున్నారు. అయితే 'గేమ్ ఛేంజర్'పై సినిమా రిలీజ్ డేట్పై ఇప్పటివరకు ఓ స్పష్టత లేదు. వాయిదా పడుతూ వస్తోంది. ఆ మధ్యలో వచ్చే ఏడాది సంక్రాంతికి ఇది వస్తుందని కథనాలు వచ్చాయి. కానీ అది కుదరదని అర్థమైపోయింది.
ఎందుకంటే మొదట భారతీయుడు 2 సినిమా షూటింగ్ ఆగిపోయింది. అది ఇక పట్టాలెక్కదని అనుకున్నారు. కానీ ఆ తర్వాత సడెన్గా ఆగిపోయిందనుకున్న భారతీయుడు 2 ఎంట్రీ ఇచ్చింది. దీంతో అనుకున్న షెడ్యూల్స్ అన్నీ మారిపోయాయి. ఫలితంగా 'గేమ్ ఛేంజర్' చిత్రీకరణ వాయిదా పడుతూ వచ్చింది. దీంతో ఈ చిత్రాన్ని వచ్చే వేసవికి రిలీజ్ చేసేలా షూటింగ్ షెడ్యూల్స్ను ప్లాన్ చేశారు. కానీ అది కూడా పక్కాగా చెప్పలేదు.
కానీ ఇప్పుడు ఈ సినిమా విడుదల తేదీపై దాదాపుగా ఓ క్లారిటీ వచ్చినట్లు తెలిసింది. ఆల్మోస్ట్ దీన్నే కన్ఫామ్ చేయాలని మేకర్స్ అనుకుంటున్నారట. సినిమాను మార్చి మూడు లేదా నాలుగో వారంలో ప్రేక్షకుల ముందుకు తీసుకురావాలని అనుకుంటున్నారని సినీ వర్గాల టాక్. అంతా అనుకున్నట్టు జరిగితే ఆ సమయంలోనే కచ్చితంగా రిలీజ్ చేయాలని ఫిక్స్ అయ్యారట. అంటే రెండు నెలల గ్యాప్లో శంకర్ తన రెండు భారీ చిత్రాలను సంక్రాంతికి భారతీయుడు 2, మార్చిలో గేమ్ ఛేంజర్ను.. విడుదల చేయనున్నారన్న మాట. ఈ రెండు చిత్రాల్లో ఏ ఒక్కటి భారీ హిట్ను అందుకున్న.. ఇక శంకర్ దూకుడును ఎవ్వరూ ఆపలేరు. చూడాలి మరి ఏం జరుగుతుందో..
