NTR 30 Aliabhatt Rashmika: 'జనతా గ్యారేజ్‌' తర్వాత ఎన్టీఆర్‌-దర్శకుడు కొరటాల శివ కాంబినేషన్‌లో మరో చిత్రాన్ని గతంలోనే ప్రకటించారు. జూన్లో సెట్స్పైకి వెళ్లనుంది. అయితే ఈ పాన్‌ ఇండియా చిత్రంలో బాలీవుడ్‌ నటి అలియాభట్‌ కథానాయికగా ఎంపికైందంటూ గతంలో వార్తలొచ్చాయి. కాగా, ఇటీవలే ఆమె పెళ్లి చేసుకోని బిజీ ఆవ్వడం వల్ల ఈ చిత్రం నుంచి తప్పుకున్నట్లు ప్రచారం సాగింది. ఈ క్రమంలోనే మరో కొత్త హీరోయిన్ పేరు తెరపైకి వచ్చింది. ఆలియా స్థానాన్ని కథానాయిక రష్మికతో భర్తీ చేయనున్నట్లు సినీ వర్గాల టాక్. ప్రస్తుతం చర్చలు జరుగుతున్నాయని తెలుస్తోంది. మరి ఇందులో నిజమెంతో తెలియాలంటే అధికార ప్రకటన వచ్చే వరకు వేచి ఉండాల్సిందే.
ఇక.. నందమూరి కల్యాణ్‌రామ్‌, సుధాకర్‌ మిక్కిలినేని సంయుక్తంగా నిర్మిస్తున్న ఈ సినిమా కొరటాల శివ శైలి, సామాజిక అంశాలతో యాక్షన్‌ ఎంటర్‌టైనర్‌గా రూపొందనున్నట్టు సమాచారం. ఈ సినిమా కోసం తారక్ శరీరాకృతిని మార్చుకునే పనిలో ఉన్నారని తెలుస్తోంది. అనిరుధ్‌ను సంగీత దర్శకుడిగా ఖరారు చేసినట్లు తెలిసింది. 'జనతా గ్యారేజ్‌' లాంటి హిట్‌ తర్వాత ఎన్టీఆర్‌-కొరటాల కలయిక నుంచి వస్తున్న చిత్రం కావడం వల్ల.. దీనిపై ప్రేక్షకుల్లో భారీ అంచనాలు నెలకొన్నాయి.
ఇదీ చూడండి: జై జవాన్.. సిల్వర్ స్క్రీన్ సోల్జర్స్గా మారిన మన హీరోలు!
