Naresh Pavitra lokesh relation: గత కొన్నిరోజులుగా చిత్రసీమలో నరేశ్, పవిత్రా లోకేష్, రమ్య రఘుపతి వ్యవహారం చర్చనీయాంశంగా మారింది. అయితే ఇప్పుడీ సమస్య మరింత ముదిరింది. ఇప్పటికే నరేశ్-పవిత్ర జంట, రమ్య.. మీడియా ముందుకు వచ్చి ఒకరిపై మరొకరు తీవ్ర విమర్శలు చేసుకుంటున్న సంగతి తెలిసిందే. అయితే తాజాగా మైసూర్లో నరేశ్-పవిత్ర కలిసి ఉన్న హోటల్కు వెళ్లిన రమ్య.. వారిని అడ్డుకునేందుకు ప్రయత్నించారు. వారితో తగాదా పడ్డారు. నిలదీసేందుకు ప్రయత్నించారు. కానీ, ఆమెను పోలీసులు, సెక్యూరిటీ సిబ్బంది అడ్డుకున్నారు. ఈ క్రమంలోనే రమ్య.. పవిత్రను చెప్పుతో కొట్టేందుకు ప్రయత్నించినట్లు తెలుస్తోంది. అయితే సిబ్బంది ఆమెను నిలువరించారు. ఆ సమయంలో నరేశ్.. రమ్యను ఉడికించే ప్రయత్నం చేశారు. అక్కడి లిఫ్ట్లో ఎక్కుతూ.. ఈలలు వేస్తూ, గేలి చేశారు. అంతేకాకుండా రమ్యని చూపిస్తూ.. ఆమె పిచ్చిది, ఫ్రాడ్ అంటూ ఆరోపణలు చేశారు. కేకలు వేస్తూ.. నవ్వుకుంటూ అక్కడి నుంచి వెళ్లిపోయారు. ప్రస్తుతం దీనికి సంబంధించిన వీడియో నెట్టింట్లో వైరల్గా మారింది.
ఇదీ జరిగింది.. నరేశ్-పవిత్రా.. కలిసి పలు సినిమాల్లో జంటగా నటించారు. అయితే గత నాలుగేళ్లుగా ఈ జంట సహజీవనం చేస్తున్నారని, వివాహం చేసుకోబోతున్నారని కొద్ది రోజుల నుంచి వార్తలు వస్తున్నాయి. ఈ పుకార్లకు ఊతం ఇస్తూ.. నరేశ్-పవిత్రా.. పలు ప్రైవేట్ ఈవెంట్లతో పాటు గుడిలో కనిపించడం వల్ల.. ఈ జంట పెళ్లి పీటలు ఎక్కబోతుందనే వార్త ఊపందుకుంది. ఈ క్రమంలోనే నరేశ్పై అతడి భార్య రమ్య, పవిత్రపై ఆమె భర్త సుచేంద్ర ప్ర‌సాద్.. తీవ్ర ఆరోపణలు చేశారు. అయితే వీటిపై స్పందించిన నరేశ్-పవిత్ర వాటిని ఖండించారు. అవన్నీ అవాస్తమని కొట్టిపారేశారు. కాగా, గత కొన్నేళ్లుగా నరేశ్-రమ్య, పవిత్ర-సుచేంద్ర మనస్పర్థల కారణంగా విడిగా ఉంటున్నారు.
ఇదీ చూడండి: నరేశ్-పవిత్ర బంధం.. మధ్యలో ట్విస్ట్.. అసలేం జరుగుతోంది?
