Prabhas Role in Salaar : 1000 మందితో ప్రభాస్​ ఫైట్​.. ఒక్కరు కాదు ఇద్దరు..

Prabhas Role in Salaar: ప్రభాస్- ప్రశాంత్ నీల్​ కాంబినేషన్​లో వస్తున్న 'సలార్‌' మూవీ గురించి ఓ ఆసక్తికరమైన విషయం సోషల్​ మీడియాలో చకర్లు కొడుతోంది. ఇప్పటికే టీజర్​తో గూస్​బంప్స్​ తెప్పించిన ఈ సినిమాలో నుంచి ట్రెండ్​ అవుతున్న ఆ అప్​డేట్​ ఏంటంటే ?

Prabhas Role in Salaar : పాన్ ఇండియా స్టార్ ప్రభాస్- 'కేజీఎఫ్‌' దర్శకుడు ప్రశాంత్ నీల్​ కాంబినేషన్​లో వస్తున్న యాక్షన్‌ థ్రిల్లర్‌ మూవీ 'సలార్‌: పార్ట్‌-1 సీజ్‌ఫైర్‌'. తాజాగా విడుదలైన టీజర్​.. ఆడియెన్స్​కు గూస్​బంప్స్​ తెప్పించగా.. సలార్​ గురించి నెట్టింట చక్కర్లు కొడుతున్న పలు వార్తలు ప్రేక్షకుల్లో భారీ అంచనాలే పెంచుతున్నాయి. దీంతో ప్రభాస్ నటిస్తోన్న ఈ సినిమా విడుదల కోసం అటు డార్లింగ్ ఫ్యాన్స్​తో పాటు మూవీ లవర్స్​ ఎంతగానో ఎదురుచూస్తున్నారు. ఈ క్రమంలో తాజాగా 'సలార్​'కు సంబంధించిన ఓ వార్త సోషల్ మీడియాలో హల్​చల్​ చేస్తోంది. ప్రభాస్‌ అభిమాని ఒకరు.. 'సలార్‌' సెట్‌లో తాను చూసిన విషయాన్ని మీడియాకు వివరించారు. అది విన్న ఫ్యాన్స్​ ఇక సంబరాల్లో మునిగి తేలుతున్నారు. ఆ అభిమాని చెప్పిన మాటలను నెట్టింట తెగ ట్రెండ్​ చేస్తున్నారు.

ప్రశాంత్ నీల్‌ చిన్న సన్నివేశాన్ని కూడా చాలా క్షుణ్నంగా పరిశీలించి తీస్తున్నారని.. సీన్​ బాగా వచ్చే వరకు ఎక్కడా రాజీ పడటం లేదని తెలిపారు. అలాగే సినిమాలో ఓ భారీ యాక్షన్‌ సీన్​ కూడా ఉంటుందని అందులో ప్రభాస్ సుమారు 1000 మందితో ఫైట్‌ చేస్తారని చెప్పారు. అదే సమయంలో మరో పాత్రలో ఉన్న ప్రభాస్ కూడా ఆ సీన్​లోకి ఎంట్రీ ఇస్తారని వెల్లడించారు. ఈ సన్నివేశం షూటింగ్ చూసి తాను ఆశ్చర్యపోయినట్లు ఆ అభిమాని తెలిపారు. దీంతో ఫ్యాన్స్ ఎప్పుడెప్పుడు ఈ సీన్​ను స్క్రీన్​పై చూస్తామో అంటూ ఆశభావం వ్యక్తం చేస్తున్నారు.

గతంలో ఇక ఈ సినిమా నిర్మాత (హోంబలే ఫిల్మ్స్‌) కూడా ఓ మీడియా సంస్థతో 'సలార్‌' క్లైమాక్స్‌ గురించి మాట్లాడినట్లు వార్తలు వచ్చాయి. ఈ సినిమా పతాక సన్నివేశాలు అద్భుతంగా ఉంటాయని.. కచ్చితంగా అవి ఒక బెంచ్‌ మార్క్‌ను క్రియేట్‌ చేస్తాయంటూ ఆయన వివరించారని అప్పట్లో వార్తలు వినిపించాయి.

Salaar Movie Cast : ఇక సినిమా విషయానికి వస్తే.. 'కేజీయఫ్'​ తర్వాత ప్రశాంత్​ నీల్​ తెరకెక్కిస్తున్న ఈ భారీ యాక్షన్​ ఫిల్మ్​లో ప్రభాస్ సరసన శ్రుతి హాసన్ నటిస్తున్నారు. అంతే కాకుండా పృథ్వీరాజ్ సుకుమారన్, జగపతి బాబు, మధు గురుస్వామి, ఈశ్వరీ రావు, శ్రీయా రెడ్డి, రామచంద్రరాజు, టీను ఆనంద్ లాంటి స్టార్స్ కీలక పాత్రలు పోషిస్తున్నారు. రవి బస్రూర్ ఈ సినిమాకు సంగీతాన్ని అందిస్తున్నారు. హోంబలే ఫిలింస్‌ విజయ్ కిరగందూర్ ఈ చిత్రాన్ని నిర్మిస్తున్నారు. ఇప్పటికే ఈ సినిమా మొదటి భాగం షూటింగ్​ పూర్తి చేసుకోగా.. నిర్మాణానంతర పనులు కూడా శరవేగంగా జరుగుతున్నాయి. పాన్ ఇండియా లెవెల్​లో తెరకెక్కుతున్న ఈ సినిమా సెప్టెంబర్ 28న థియేటర్లలో గ్రాండ్​గా రిలీజ్​ కానుంది.

• " class="align-text-top noRightClick twitterSection" data="">