తన అందం, అభినయంతో ప్రేక్షకుల మనసు దోచిన భామ కృతి సనన్. కళ్లతోనే మాయ చేసే ఈ ముద్దుగుమ్మ తెలుగులో తక్కువ సినిమాలే చేసినప్పటికీ తనకంటూ ప్రత్యేక గుర్తింపును సంపాదించుకుంది. అయితే ఈ ముద్దుగుమ్మ పాన్ ఇండియా స్టార్ ప్రభాస్తో ప్రేమలో పడినట్లు కొద్ది రోజుల నుంచి జోరుగా ప్రచారం సాగుతోంది. ఆదిపురుష్ సినిమా షూటింగ్ సమయంలో ఈ జంట దగ్గరైందని, పెళ్లి కూడా చేసుకుంటారని సోషల్మీడియాలో తెగ వార్తలు వస్తున్నాయి. అయితే ఈ విషయంపై వీరిద్దరూ ఇప్పటి వరకు స్పందించలేదు కానీ కృతి మాత్రం అప్పుడప్పుడు ప్రభాస్పై మాత్రం ఇంట్రెస్టింగ్ కామెంట్స్ చేస్తోంది. అయితే తాజాగా మరో ఆసక్తికరమైన వార్త ఒకటి బయటకు వచ్చింది. అదేంటంటే..
న్యూఇయర్కి కేవలం నాలుగు రోజులే సమయం ఉన్నందున సెలబ్రిటీలంతా గ్రాండ్గా సెలబ్రేట్ చేసుకునేందుకు రెడీ అవుతున్నారు. ఈ క్రమంలోనే హీరో ప్రభాస్, నటి కృతి సనన్ కూడా కలిసి సీక్రెట్గా ఓ స్పెషల్ ట్రిప్ ప్లాన్ చేస్తున్నట్లు తెలిసింది. వీరిద్దరు కలిసి మాల్దీవులకు వెళ్లి సెలబ్రేట్ చేసుకోనున్నారట. ఈ విషయాన్ని ప్రముఖ మూవీ క్రిటిక్ ఉమైర్ సంధూ కూడా ట్వీట్టర్లో పోస్ట్ చేశాడు. మరి ఇందులో ఎంతవరకు నిజముందో తెలీదు కానీ ప్రస్తుతం ఈ ట్వీట్ సోషల్ మీడియాలో చక్కర్లు కొడుతోంది. అయితే దీనిపై ప్రభాస్ ఫ్యాన్స్ స్పందిస్తున్నారు. గతంలో కృతి వదిన అంటూ ట్వీట్లు పెట్టి, సంబరాలు చేసుకున్న వారు ఈసారి మాత్రం చాలా ఘాటుగా స్పందిస్తున్నారు. ఉమైర్ సంధూకు స్ట్రాంగ్ వార్నింగ్లు కూడా ఇస్తున్నారు. నీకు ఇంక పనేమీ లేదా అంటూ ప్రశ్నిస్తున్నారు. కొందరైతే వెళ్లి రెండు పాలప్యాకెట్లు వేసిరా అంటూ ఎద్దేవా చేస్తుండగా.. కొందరు మాత్రం ఇలాంటి వార్తలతో అయినా ఎంటర్టైన్ చేస్తున్నావ్ అంటూ థ్యాంక్స్ చెబుతున్నారు.
ఇక డార్లింగ్ సినిమాల విషయానికి వస్తే ఆదిపురుష్, సలార్, ప్రాజెక్ట్-కె సినిమాలతో బిజీగా గడుపుతున్నారు. మారుతీతో కలిసి రాజా డీలక్స్ సినిమా కూడా షూట్ స్టార్ట్ అయినట్లు ఫొటోలు నెట్టింట వైరల్ అవుతున్నాయి. తాజాగా సుకుమార్- ప్రభాస్ 2024లో పాన్ ఇండియా సినిమా తీయనున్నట్లు ప్రచారం సాగుతోంది.
