యంగ్ టైగర్ ఎన్టీఆర్ - దర్శకుడు కొరటాల శివ కాంబినేషన్లో తెరకెక్కబోతున్న కొత్త సినిమా 'ఎన్టీఆర్ 30'. జనతా గ్యారేజ్‌ వంటి హిట్‌ తర్వాత ఈ ఇద్దరి నుంచి వస్తున్న రెండో చిత్రమిది. పాన్‌ ఇండియా ప్రాజెక్ట్గా పట్టాలెక్కనున్న ఈ చిత్రాన్ని ప్రకటించాక.. కొరటాల శివ, ఎన్టీఆర్ సైలెంట్‌గా ఉండిపాయారు. ఇక దీని గురించి ఎలాంటి అప్‌డేట లేకపోవడంతో ఈ మూవీ సెట్స్‌పై వెళ్లుందా? లేదా? అనే అనుమానాలు ఫ్యాన్స్ను నిరాశపరిచాయి. అప్పటి నుంచి అభిమానులు అప్డేట్స్ అంటూ సోషల్మీడియా వేదికగా రచ్చ రచ్చ చేస్తున్నారు. అయితే ఈ సినిమా ఈ నెలలలోనే షూటింగ్ ప్రారంభించుకోనుందంటూ.. ఎన్టీఆర్... ఫ్యాన్స్పై సీరియస్ అయ్యారు. దీంతో అభిమానుల్లో ఫుల్ జోష్ మొదలైంది. ఇప్పుడా జోష్ను మరింత రెట్టింపు అయ్యేలా.. మరో వార్త బయటకు వచ్చింది.
అదేంటంటే.. ఈ సినిమా కోసం శంషాబాద్‌లో ఒక సెట్, గోవాలో మరో సెట్ వేస్తున్నట్లు ఇటీవలే వార్తలు వచ్చాయి. మొదటి షెడ్యూల్ ఇక్కడ, రెండోది అక్కడ ప్లాన్ చేస్తున్నారట. అయితే తాజా సమాచారం ప్రకారం.. గోవాలో జరిగే షెడ్యూల్‌లో.. బీచ్ సెటప్ వేసి ఓ హెవీ యాక్షన్ సీక్వెన్స్ను రూపొందించనున్నారట. ఈ అదిరిపోయే యాక్షన్ సీక్వెన్స్.. చిత్రానికే మెయిన్ హైలైట్గా నిలవనుందట. ఇది ఇండియాలో ఏ సినిమాలోనూ చూపించని విధంగా డిజైన్ చేశారని తెలిసింది. ఇది చూసినప్పుడు ప్రేక్షకులకు పూనకాలు రావడం ఖాయమని సినీ వర్గాలు అంటున్నాయి. సినిమాలో ఈ బీచ్ యాక్షన్ సీక్వెన్స్ చిత్రానికి కీలకం కానుందట. కథలో ఇక్కడి సన్నివేశాలే ముఖ్యమట. ఇందుకోసం భారీ సెటప్ వేయబోతున్నారని తెలుస్తోంది.
మిక్కిలినేని సుధాకర్‌, హరికృష్ణ.కె సంయుక్తంగా ఈ చిత్రాన్ని నిర్మిస్తున్నారు. కల్యాణ్‌రామ్‌ సమర్పిస్తున్నారు. ఈ సినిమా పూర్వ నిర్మాణ పనుల్ని పూర్తి చేసుుకున్న ఈ సినిమా ఈ నెలలో షూటింగ్ ప్రారంభించుకోనుంది. ఇక ఈ చిత్రం ఎన్టీఆర్ అభిమానుల్ని, ప్రేక్షకుల్ని మెప్పించేలా ఓ శక్తిమంతమైన కథతో రూపొందనుందని మొదటి నుంచి మూవీటీమ్ చెబుతూనే వస్తోంది. అనిరుధ్‌ సంగీతం సమకూరుస్తున్నారు. బాలీవుడ్ భామ జాన్వీ కపూర్ ఈ చిత్రంలో హీరోయిన్గా నటించే అవకాశం ఉందని అంటున్నారు.
ఇదీ చూడండి: అందాల నిధి.. ఏ తోటలో పండిన పండో
