రౌడీ హీరో -​ డీజే టిల్లు.. చిరుతో కలిసి నటించేదెవరు?

మెగాస్టార్ చిరంజీవి కొత్త సినిమాలో ఓ యంగ్​ హీరో నటించే అవకాశమున్నట్లు ప్రచారం సాగుతోంది. అయితే ఈ రోల్​లో విజయ్‌ దేవరకొండ, సిద్ధు జొన్నలగడ్డ పేర్లు ప్రముఖంగా వినిపిస్తున్నాయి. మరి ఈ ఇద్దరిలో చిరుతో కలిసి నటించేదెవరన్నదే ఇప్పుడు ఆసక్తికరంగా మారింది.

'గాడ్​ఫాదర్'​, 'వాల్తేరు వీరయ్య' సినిమాలతో మెగాస్టార్ చిరంజీవి బ్యాక్​ టు బ్యాక్​ గ్రాండ్ సక్సెస్​లను అందుకున్న విషయం తెలిసిందే. ఈ వరుస విజయాలతో ఫుల్​ జోషలో ఉన్న చిరు.. ప్రస్తుతం తన కొత్త చిత్రాల విషయంలో ఫుల్​ జోరు కొనసాగిస్తున్నారు. వరుసగా సినిమాలను పట్టాలెక్కిస్తున్న ఆయన.. ఒకొక్కటిగా వాటిని రిలీజ్ చేస్తూ ఆడియెన్స్​ ముందుకు తీసుకొస్తున్నారు. ప్రస్తుతం 'భోళాశంకర్‌'ను కంప్లీట్ చేసే పనిలో ఉన్న ఆయన.. తన కొత్త సినిమాలను లైన్​లో పెట్టే పనిలోనూ బిజీగా ఉన్నారు. దీనికోసం ఇప్పటికే పలువురు యువ దర్శకులతో కలిసి కథల విషయంలో కసరత్తులు చేస్తున్నారు.

ఈ క్రమంలోనే 'సోగ్గాడే చిన్నినాయనా' ఫేమ్‌ కల్యాణ్‌కృష్ణ కురసాల దర్శకత్వంలో చిరంజీవి సినిమా దాదాపుగా ఖరారైనట్లు ప్రచారం సాగుతోంది. మల్టీస్టారర్​గా ఇది రూపొందనుందని అంటున్నారు. ఒకవైపు స్క్రిప్ట్‌ పనులు చకచకా అవుతుండగా.. మరోవైపు నటీనటుల ఎంపిక జరుగుతోందని తెలుస్తోంది. ఈ చిత్రంలో చిరంజీవితోపాటు మరో యంగ్ హీరో నటించనున్నారట. ఇప్పటికే 'డీజే టిల్లు'తో క్రేజ్ సంపాదించుకున్న సిద్ధు జొన్నలగడ్డ పేరు వినిపించింది. ఇప్పుడు మరో పేరు కూడా తెరపైకి వచ్చింది. సెన్సేషనల్​ స్టార్ విజయ్​ దేవరకొండ వినిపిస్తోంది. వీరిద్దరిలో ఎవరినైనా ఒకరిని ఒప్పించాలని మూవీటీమ్​ ప్రయత్నాలు చేస్తోందట. మరి ఈ ఇద్దరిలో చిరుతో కలిసి నటించేదెవరన్నదే ఇప్పుడు చిత్రసీమలో ఆసక్తికరంగా మారింది. మరికొన్ని రోజుల్లోనే ఈ విషయంపై క్లారిటీ వచ్చే అవకాశముంది. అలానే ఈ సినిమాలో నటించబోయే యంగ్ హీరోకు జోడీగా నటించేందుకు శ్రీలీలను కూడా సంప్రదించినట్టు తెలిసింది.

కుమార్తె నిర్మాణంలో.. ఇప్పటికే మెగాస్టార్ చిరంజీవి కుమార్తె సుస్మిత కొణిదెల.. గోల్డ్ బాక్స్ ఎంటర్టైన్మెంట్స్ పేరుతో ఒక నిర్మాణ సంస్థను ప్రారంభించి సినిమాలను రూపొందిస్తున్నారు. షూట్ అవుట్ ఎట్ ఆలేర్ అనే వెబ్ సిరీస్​తో నిర్మాణ రంగంలోకి అడుగుపెట్టిన ఈమె.. కొద్ది రోజుల క్రితమే శ్రీదేవి శోభన్ బాబు అనే సినిమాను ఆడియెన్స్ ముందుకు తీసుకొచ్చారు. ఇప్పుడు తన తండ్రి చిరంజీవి హీరోగా 'సోగ్గాడే చిన్నినాయనా' ఫేమ్‌ కల్యాణ్‌కృష్ణ కురసాల దర్శకత్వంలో రూపొందబోతున్న సినిమాను ఆమెనే నిర్మించబోతున్నారట.

ఇక చిరంజీవి భోళాశంకర్ విషయానికొస్తే.. చిరు టైటిల్‌ రోల్‌ పోషిస్తున్న ఈ చిత్రాన్ని మెహర్‌ రమేష్‌ తెరకెక్కిస్తున్నారు. ముంబయి బ్యాక్ డ్రాప్​లో రూపొందుతున్న ఈ చిత్ర ఆగస్టు 11న విడుదల కానుంది. ఇందులో తమన్నా హీరోయిన్​గా నటిస్తుండగా.. కీర్తి సురేశ్​ చిరుకు చెల్లెల్లిగా నటిస్తున్నారు.

ఇదీ చూడండి: సమంత ఎప్పుడూ సంతోషంగా ఉండాలి.. వారి వల్లే మా మధ్య గొడవలు! : నాగ చైతన్య