Manchu Vishnu Injured In Shooting Set : నటుడు మంచు విష్ణుకు షూటింగ్ సెట్లో గాయాలు అయినట్లు తెలుస్తోంది. తన తదుపరి చిత్రం 'కన్నప్ప' షూట్‌లో ఈ ఘటన జరిగినట్లు వార్తలు వస్తున్నాయి. న్యూజిలాండ్లో జరుగుతున్న షెడ్యూల్‌లో యాక్షన్‌ సన్నివేశాలు తెరకెక్కిస్తుండగా డ్రోన్ కెమెరా అదుపు తప్పి విష్ణు మీదకి దూసుకురావడం వల్ల చేతికి స్వల్ప గాయాలయ్యానని సమాచారం. దీంతో ప్రస్తుతానికి షూట్‌ను నిలిపి వేశారని తెలుస్తోంది. అయితే, ఈ వార్తలపై విష్ణు గానీ, సినిమా బృందం గానీ అధికారికంగా స్పందించలేదు.
Kannappa Movie Cast : ఇదిలా ఉండగా.. విష్ణు డ్రీమ్‌ ప్రాజెక్ట్‌గా 'కన్నప్ప' రూపొందుతోంది. ఈ సినిమా ముఖేశ్‌ కుమార్‌ సింగ్‌ దర్శకత్వం వహిస్తున్నారు. 'కన్నప్ప' చిత్రం మొత్తాన్ని న్యూజిలాండ్లో తెరకెక్కిస్తున్నారు. ఇప్పటికే ఈ సినిమా కోసం తయారు చేయించిన ఆర్ట్‌ వర్క్‌ మొత్తాన్ని న్యూజిలాండ్కు తరలించారు. కాగా భారీ బడ్జెట్‌తో పాన్ ఇండియా స్థాయిలో ఈ చిత్రం రూపొందుతోంది. ప్రముఖ అగ్ర నటుడు మోహన్‌ బాబు ఈ సినిమాను నిర్మిస్తున్నారు. ఈ సినిమాలో హీరోయిన్గా మొదట నుపుర్‌ సనన్‌ను ఎంపిక చేశారు. కానీ డేట్స్‌ సర్దుబాటు కాకపోవడం వల్ల ఆమెను ఈ ప్రాజెక్ట్‌ నుంచి బయటకు వెళ్లారు. అంతేకాకుండా పాన్ ఇండియా స్టార్ ప్రభాస్‌, లేడీ సూపర్ స్టార్ నయనతార, కన్నడ హీరో శివరాజ్‌కుమార్‌, మలయాళీ మెగాస్టార్ మోహల్‌ లాల్‌ తదితరులు కీలక పాత్రలు పోషిస్తున్నట్లు తెలుస్తోంది. మరోవైపు ఈ సినిమాకు పరుచూరి గోపాలకృష్ణ, బుర్రా సాయి మాధవ్, తోట ప్రసాద్ ఈ సినిమాకు రచయితలుగా వ్యవహరిస్తుండగా.. మణిశర్మ, మలయాళ మ్యూజిక్ డైరెక్టర్ స్టీఫెన్ దేవాసి సంగీతం అందిస్తున్నారు.
'కన్నప్ప' కథ అదే!
'మహాకవి ధూర్జటి రాసిన శ్రీకాళహస్తీశ్వర మహత్యంలోని భక్తకన్నప్ప చరిత్రను ఆదర్శంగా తీసుకుని ఈ సినిమాను రూపొందిస్తున్నాం. కన్నప్ప వృత్తాంతం 2వ శతాబ్దంలో జరిగింది, ప్రస్తుతం ఇక్కడి పరిసరాల్లో సినిమా తీయడం వీలుకాదు. అందుకోసం ఈ చిత్రం నిర్మాణానికి ఆర్నెళ్లపాటు న్యూజిల్యాండ్‌కు వెళ్తున్నాం. కన్నప్ప భక్తిని, ఆయన గొప్పతనాన్నీ నేటి తరానికి తెలియజేయాలనే సంకల్పంతో పాన్ ఇండియా రేంజ్లో ఈ చిత్రాన్ని రూపొందిస్తున్నాం. భారీ బడ్జెట్‌తో... అత్యున్నత సాంకేతిక ప్రమాణాలతో సిద్ధం చేస్తున్నాం. ఒకే షెడ్యూల్‌లో చిత్రీకరణ పూర్తి చేస్తాం' అని ఈ సినిమా ఓపెనింగ్‌ సందర్భంగా విష్ణు తెలిపారు.
Varun Lavanya Marriage : వరుణ్- లావణ్య పెళ్లికి చిరంజీవి తల్లి దూరం.. కారణమిదే!
Pawan Kalyan OG Cast : 'ఓజీ'లోకి మరో సీనియర్ హీరో.. అప్పుడు అన్నయ్యతో ఇప్పుడు తమ్ముడితో..
