Swati Maliwal On Assualt Case : ఆప్ ఎంపీ స్వాతీ మాలీవాల్పై దాడి కేసును దర్యాప్తు చేసేందుకు దిల్లీ పోలీసులు స్పెషల్ ఇన్విస్టిగేషన్ టీమ్(సిట్)ను ఏర్పాటు చేశారు. నార్త్ దిల్లీ అదనపు డీసీపీ అంజిత చెప్యాలా నేతృత్యంలో సిట్ ఏర్పాటు చేశారు. ఈ టీమ్లో ముగ్గురు ఇన్స్పెక్టర్ స్థాయి అధికారులు, ఒకరు సివిల్ లైన్స్ పోలీస్ స్టేషన్ అధికారి ఉన్నారు. విచారణ జరిపిన తర్వాత సిట్ తన నివేదికను ఉన్నతాధికారులకు అందజేస్తుందని దిల్లీ పోలీసులు తెలిపారు. మరోవైపు ఆప్ తనపై అసత్యాలను ప్రచారం చేస్తుందని మాలీవాల్ ఎక్స్ వేదికగా స్పందించారు.
ఇప్పుడు బీజేపీ ఏజెంటా?
దిల్లీ మంత్రులు, ఆప్ నేతలు తనపై అసత్యాలు ప్రచారం చేస్తున్నారని ఎంపీ స్వాతీ మాలీవాల్ మండిపడ్డారు. దిల్లీ సీఎం అరవింద్ కేజ్రీవాల్ సహయకుడు బిభవ్ కుమార్ దాడి చేశారని చెప్పినందుకు తనపై పాత కేసులు తిరగేస్తామంటూ బెదిరిస్తున్నారని మాలీవాల్ తెలిపారు. బీజేపీ ఆదేశాల మేరకే ఇదంతా చేస్తున్నారని ఆప్ నేతలు చేస్తున్న విమర్శలపై స్వాతీ స్పందిస్తూ ఎక్స్లో పోస్ట్ చేశారు.
"నేను బీజేపీ ఆదేశాల మేరకే ఇదంతా చేశానని అసత్యాలు ప్రచారం చేస్తున్నారు. నేను అవినీతికి పాల్పడినట్లు నాపై ఎఫ్ఐఆర్ వేస్తామని అంటున్నారు. ఆ ఎఫ్ఐఆర్ 8 ఏళ్ల క్రితమే 2016లో నమోదు చేశారు. ఆ తర్వాత సీఎం, లెఫ్టినెంట్ గవర్నర్ నన్ను రెండు సార్లు మహిళా ఛైర్పర్స్గా నియమించారు. ఈ కేసు పూర్తి నకిలీదని, అప్పడే కోర్టు సంవత్సరన్నర పాటు స్టే విధించింది. నగదు లావాదేవీలు ఏమి జరగలేదని తెలిపింది. దిల్లీ మంత్రుల ప్రకారం ఇప్పటి వరకు నేను లేడీ సింగంగా ఉన్నా. బిభవ్ కుమార్పై ఫిర్యాదు చేసే సరికి బీజేపీ ఏజెంట్గా మారాను? నేను నిజం మాట్లాడినందుకే మొత్తం ట్రోల్ ఆర్మీని నాపై మోహరించారు. నా బంధువుల వివరాలను వారి కారు నంబర్లను ట్వీట్ చేయడం వల్ల వారి ప్రాణాలను ప్రమాదంలో పడేస్తున్నారు. అబద్ధాలు ఎక్కువ కాలం ఉండవు. మీరు చేప్పే ప్రతి అబద్ధానికి నేను మిమ్మల్ని కోర్టుకి తీసుకెళ్తాను"
---స్వాతీ మాలీవాల్, ఆప్ ఎంపీ
సీఎం ఇంట్లో సీన్ రీ క్రియేట్
మరోవైపు సీన్ రీ క్రియేట్ చేయడానికి బిభవ్ కుమార్ను సీఎం కేజ్రీవాల్ నివాసానికి తీసుకెళ్లారు. మే 13 ఉదయం జరిగిన ఘటనల క్రమం గురించి వివరాలు తెలుసుకోవడానికి డ్రాయింగ్ రూమ్కు తీసుకెళ్లారు. అక్కడే మాలీవాల్పై దాడి జరిగిన్నట్లు ఆరోణలు ఉన్నాయి. సీక్వెన్స్ వారీగా పోలీసులు ప్రశ్నలు అడిగి వాటికి సమాధానాలను రాసుకున్నారు. దాదాపు గంటపాటు సీఎం ఇంటిలోనే విచారించారు. ఇప్పుడు స్వాతీ మాలీవాల్, బిభవ్ కుమార్లతో సీన్ రీ క్రియేట్ చేసి వారి వాంగ్మూలను తీసుకున్నామని దిల్లీ పోలీసులు తెలిపారు. వాటిని ఇప్పుడు పరిశీలిస్తున్నామని పేర్కొన్నారు.
అదుపుతప్పి 20 అడుగుల లోయలో పడ్డ బస్సు- 19మంది మృతి- 8మందికి తీవ్ర గాయాలు - Accident In Chhattisgarh
