Mahesh Babu Guntur Kaaram : సూపర్ స్టార్ మహేశ్ బాబు - త్రివిక్రమ్ కాంబినేషన్లో తెరకెక్కుతున్న 'గుంటూరు కారం' సినిమా షూటింగ్కు సంబంధించి చిత్ర యూనిట్కు వరుస సమస్యలు తలెత్తుతున్నాయి. ఈ సినిమా ప్రారంభంలో స్క్రిప్ట్లో కొన్ని మార్పులు చేర్పులు చేయడం వల్ల షూటింగ్ ఆలస్యమైంది. ఆ తర్వాత కొన్ని అనివార్య కారణాల వల్ల మరికొన్ని షెడ్యూల్స్ను ఇటీవల రద్దు అయ్యాయి. ఇప్పుడు మరోసారి ఈ మూవీ షూటింగ్ వాయిదా పడ్డట్టు తెలుస్తోంది.
Mahesh Guntur Kaaram Shooting : 'గుంటూరు కారం' మూవీ షూటింగ్కు సంబంధించి కొత్త షెడ్యూల్ జూన్ 12న ప్రారంభం కావాల్సి ఉంది. కానీ ఈ చిత్రంలో నటిస్తున్న కొంతమంది నటీనటులు డేట్స్ సమస్యల కారణంగా షూటింగ్ వాయిదా పడినట్లు సమాచారం. వాస్తవానికి జూన్ 7వ తేదీనే కొత్త షెడ్యూల్ స్టార్ట్ అవ్వాల్సి ఉంది. కానీ జూన్ 12న వాయిదా వేశారు. ఇప్పుడు అది కాస్త జూలై నెలకు వాయిదా పడినట్లు వార్తలు వినిపిస్తున్నాయి. జూన్ 12న మొదలవ్వాల్సిన లేటెస్ట్ షెడ్యూల్ను ఆర్టిస్టుల డేట్స్ అడ్జస్ట్ కాకపోవడంతో జూన్ 20కు మార్చారు. కానీ ఇప్పుడు లేటెస్ట్ టాలీవుడ్ రిపోర్ట్స్ ప్రకారం షూటింగ్ జూలై నెలకు వాయిదా పడినట్లు తెలుస్తోంది.
ఇలా 'గుంటూరు కారం' సినిమా షూటింగ్ ఇప్పటికే పలుమార్లు వాయిదా పడటంతో చిత్ర యూనిట్పై మహేశ్ బాబు ఫ్యాన్స్ తీవ్ర అసహనం వ్యక్తం చేస్తున్నారు. ఇలానే షూటింగ్ వాయిదా పడితే సినిమా అనుకున్న సమయానికి విడుదల అవ్వడం కష్టమే అని చెబుతున్నారు.
Mahesh Guntur Kaaram Glimpse : ఇప్పటికే మూవీ యూనిట్ ఈ సినిమాను వచ్చే ఏడాది సంక్రాంతి కానుకగా జనవరి 13న రిలీజ్ చేస్తున్నట్లు అధికారికంగా ప్రకటించారు. మరి ఆ సమయానికి ఈ సినిమా రిలీజ్ అవుతుందా అనేది ఇప్పుడు ప్రశ్నార్థకంగా మారింది. ఇటీవలే సూపర్ స్టార్ కృష్ణ జయంతి సందర్భంగా విడుదల చేసిన టీజర్ గ్లింప్స్ భారీ రెస్పాన్స్ను అందుకోవడమే కాకుండా సినిమాపై అంచనాలను తారస్థాయికి చేర్చింది. ఇప్పటివరకు యూట్యూబ్లో ఈ టీజర్ గ్లింప్స్కు ఏకంగా 30 మిలియన్ల వ్యూస్ వచ్చాయి.
Mahesh Guntur Kaaram Cast : త్రివిక్రమ్ శ్రీనివాస్.. ఈ సినిమాలో మహేశ్ బాబులో ఉన్న మాస్ను పూర్తిగా బయటికి తీసే ప్రయత్నం చేసినట్లు టీజర్ గ్లింప్స్ వీడియో చూస్తేనే అర్థమవుతోంది. హారిక అండ్ హాసిని క్రియేషన్స్ బ్యానర్పై రాధాకృష్ణ నిర్మిస్తున్న ఈ సినిమాలో మహేశ్ సరసన పూజా హెగ్డే, శ్రీలీల హీరోయిన్స్గా నటిస్తున్నారు. తమన్ సంగీతమందిస్తున్న ఈ సినిమాకు పీఎస్ వినోద్, ఏఎస్ ప్రకాశ్, నవీన్ నులి, రామ్ లక్ష్మణ్ వంటి అగ్ర సాంకేతిక నిపుణులు పనిచేస్తున్నారు. 'అతడు', 'ఖలేజా' వంటి సినిమాల అనంతరం సుమారు 12 సంవత్సరాల తర్వాత మహేశ్, త్రివిక్రమ్ కలయికలో వస్తున్న సినిమా కావడంతో 'గుంటూరు కారం' పై ఫ్యాన్స్ ఎన్నో అంచనాలు పెట్టుకున్నారు. మరి అంచనాలను ఈ సినిమా ఏ మేర అందుకుంటుందో చూడాలి.
- " class="align-text-top noRightClick twitterSection" data="">
