How To Watch ETV Win For Free : తెలుగువారి అభిమాన ఎంటర్టైన్మెంట్ ఛానల్ ఈటీవీ.. 28వ వార్షికోత్సవం సందర్భంగా ప్రేక్షకులకు గుడ్న్యూస్ చెప్పింది. ఈటీవీకి చెందిన అన్ని ఛానళ్లను, అలనాటి మేటి చిత్రాల నుంచి సరికొత్త కంటెంట్ ఉన్న సినిమాలు, రియాల్టీ షోలను ఒకే చోటకు చేర్చిన.. డిజిటల్ ప్లాట్ఫామ్ ఈటీవీ విన్ యాప్ను ఆగస్టు 26, 27 వ తేదీల్లో ఫ్రీగా యాక్సెస్ చేసుకునే వీలు కల్పించింది. ఇప్పటివరకు కేవలం టీవీలకే పరిమితమైన వినోదభరిత కార్యక్రమాలను ఇక మీ మొబైల్‌లో ఎప్పుడైనా, ఎక్కడైనా ఈటీవీ విన్ ఓటీటీ వేదిక ద్వారా వీక్షించవచ్చు.
ఈటీవీ 28వ వసంతోత్సవం (ఆగస్టు 27) వేళ ప్రేక్షకులకు మెగా కానుక లభించినట్లైంది. ఈ వారాంతపు కంటెంట్లో హాస్యనటుడు బ్రహ్మానందం సరికొత్త పాత్రలో ఒదిగిపోయి ప్రేక్షకులను మెప్పించిన 'పంచతంత్రం', యువ నటుడు చైతన్య కృష్ణ హీరోగా నటించిన 'అన్నపూర్ణ ఫొటో స్టూడియో'ను కూడా వీక్షించవచ్చు. 'పోలీస్ స్టోరీ', 'కనులు తెరిచినా కనులు మూసినా' వంటి విమర్శకుల ప్రశంసలు పొందిన విభిన్న ఆకర్షిణీయమైన చిత్రాలను ఈటీవీ విన్లో చూడవచ్చు. అలాగే ఈటీవీ విన్లో ఈటీవీ సీరియల్స్, రియాల్టీ షోలు కూడా చూడవచ్చు.
ఈటీవీ సినిమా ప్రేక్షకులకు తరగని గది. వీక్షకుల సౌలభ్యాన్ని గుర్తిస్తూ ఈటీవీ విన్ 10 గంటల క్యాచ్ అప్ ఫీచర్ కంటెంట్ను అందిస్తుంది. టెలివిజన్‌లో ప్రసారం చేయడానికి ముందు ప్రేక్షకులు తమకు ఇష్టమైన షోలను విన్లో వీక్షించే వీలుంది. ఈ ప్లాట్‌ఫామ్లో లైవ్లో కార్యక్రమాల అనుభూతిని పొందవచ్చు.
ఉదయ్ కిరణ్ హీరోగా తెరకెక్కిన చిత్రం, తరుణ్ ప్రధాన పాత్రలో తెరకెక్కిన సినిమా 'నువ్వే కావాలి', ఆనందం వంటి మరపురాని చిత్రాలు ఈటీవీ విన్ లైబ్రరీ సొంతం. ఈ నెల 26, 27 తేదీల్లో ఈటీవీ విన్లో వారాంతపు వినోదాల విందును ప్రేక్షకులు ఉచితంగా ఆస్వాదించవచ్చు. మరెందుకు ఆలస్యం.. ఈటీవీ విన్యాప్ను డౌన్లోడ్ చేసుకుని మీ అభిమాన సినిమాలు, సీరియల్స్, షోలను చూసేయండి.
ETV Win Subscription Price : 40వేల గంటలకుపైగా ఉన్న ఈటీవీ కార్యక్రమాల భాండాగారంలో ఏదైనా.. ఈటీవీ విన్ ఓటీటీ వేదిక ద్వారా కేవలం రోజుకు ఒక్క రూపాయి ఖర్చుతో చూడవచ్చు. సంవత్సరానికి 365 రూపాయలు కనీస మొత్తం చెల్లించి.. ఈటీవీ విన్ మొబైల్ యాప్ సబ్‌స్క్రిప్షన్‌ను పొందవచ్చు. మొబైల్‌తో పాటు టీవీలోనూ చూడాలనుకుంటే ప్రీమియం ప్లాన్‌లో ఏడాదికి కేవలం 499 రూపాయలు చెల్లిస్తే చాలు.. అనంతమైన వినోదం మీ సొంతం.
OTT లవర్స్కు సరికొత్తగా ETV WIN.. 'ఒక్క రూపాయి'కే బ్లాక్ బాస్టర్ సినిమాలు, సిరీస్లు
