సినీ ఇండస్ట్రీలో చాలా మంది హీరోయిన్లు.. హీరోలతో పాటుగా ఫ్యాన్ బేస్ను క్రియేట్ చేసుకుని వారిని అలరిస్తున్నారు. ఇంకా చెప్పాలంటే కథానాయకులకు పోటీగా వారి పక్కన సినిమాలు చేస్తూనే.. మరోవైపు లేడీ ఓరియెంటెడ్ సినిమాలు చేస్తూ కెరీర్లో టాప్ హీరోయిన్లుగా ఎదిగారు. తెలుగులో విజయశాంతి, నయనతార, అనుష్క, సమంత.. ఇలా పలువురు హీరోయిన్ల ఈ జాబితాలోనివారే. ఇప్పుడీ జాబితాలోకి హీరోయిన్ రష్మిక కూడా చేరబోతుంది.
'ఛలో' సినిమాతో తెలుగు చిత్ర పరిశ్రమకు పరిచయమైన కన్నడ బ్యూటీ, నేషనల్ క్రష్ రష్మిక.. తక్కువ సమయంలోనే స్టార్ హీరోయిన్గా ఎదిగింది. అల్లు అర్జున్ 'పుష్ప' చిత్రంతో మరింత క్రేజ్ను పెంచుకుంది. ప్రస్తుతం సౌత్లో సినిమాలు చేస్తూనే బాలీవుడ్లోనూ వరుస ఆఫర్లను అందుకుంటోంది. ఇటీవలే హిందీలో 'మిషన్ మజ్ను'తో.. తెలుగులో 'వారసుడు'తో ఆడియెన్స్ను పలకరించింది. ఈ రెండు అంతగా ఆకట్టుకోలేకపోయాయి. కానీ ఈ అమ్మడు అందానికి అందరూ ఫిదా అయిపోయారు.
అయితే ఇప్పుడు 'పుష్ప 2' సినిమా షూటింగ్లో బిజీగా ఉన్న ఈ భామ.. పలు సినిమాలకు గ్రీన్ ఇస్తోంది. తాజాగా ఓ లేడీ ఓరియెంటెడ్ సినిమా చేసేందుకు సిద్ధమైంది. తాజాగా ఈ సినిమాకు సంబంధించిన వివరాలను అధికారికంగా ప్రకటించారు. 'రెయిన్బో' అనే టైటిల్తో ఉన్న పోస్టర్ను రిలీజ్ చేశారు. ఈ చిత్రాన్ని తెలుగు, తమిళంలో రూపొందిస్తున్నారు. ఈ విషయాన్ని డ్రీమ్ వారియర్స్ పిక్చర్స్ నిర్మిస్తోంది. ఖైదీ, ఖాకీ లాంటి ఎన్నో హిట్ సినిమాలను ప్రొడ్యూస్ చేసింది ఈ నిర్మాణ సంస్థ. ఏప్రిల్ 7 నుంచి ఈ చిత్రం రెగ్యులర్ షూటింగ్ ప్రారంభించుకోనుంది. శాంతారూబెన్ అనే కొత్త దర్శకుడు డైరెక్ట్ చేయనున్నారు. మలయాళ యాక్టర్ 'శాకుంతలం' సినిమాతో తెలుగు ప్రేక్షకులకు పరిచయం కానున్న దేవ్ మోహన్.. ఈ చిత్రంతో ఓ కీలక పాత్రలో కనిపించనున్నారు. జస్టిన్ ప్రభాకరన్ స్వరాలు సమకూర్చనున్నారు.
ఇకపోతే రష్మిక త్వరలోనే హిందీలో సందీప్ వంగా డైరెక్టర్ చేసిన యానిమల్ సినిమాతో థియేటర్లలో సందడి చేయనుంది. ఇందులో రణ్బీర్ కపూర్ హీరోగా నటించారు. అలానే ఈ ముద్దుగుమ్మ.. హీరో నితిన్- దర్శకుడు వెంకీ కుడుముల కలిసి ఓ సినిమా చేసేందుకు అంగీకరించింది. అంతకుముందు వీరి కాంబోలో వచ్చిన 'భీష్మ' సినిమా బాక్సాఫీస్ వద్ద మంచి హిట్గా నిలిచింది. దీంతో ఇప్పుడీ కాంబో మరోసారి రిపీట్ అవ్వడంతో అభిమానుల్లో ఆసక్తి నెలకొంది. ఇటీవలే ఉగాది సందర్భంగా ఈ చిత్రాన్ని అనౌన్స్ చేశారు. అలానే మార్చి 31న గ్రాండ్గా ప్రారంభమైన ఐపీఎల్ ఆరంభోత్సవ వేడుకల్లో స్టెప్పులేసి క్రికెట్ ఆడియెన్స్ను అలరించింది. నాటు నాటు, శ్రీవల్లి, సామీ పాటలకు చిందులేసి ప్రేక్షకుల్లో జోష్ను నింపింది.
ఇదీ చూడండి: సినీ లవర్స్ రెడీగా ఉన్నారా?.. 'రావణాసుర' టు 'శాకుంతలం'.. ఏప్రిల్లో వచ్చే సినిమాలివే!
