ఆరోగ్యంపై హీరో విక్రమ్​ వీడియో మెసేజ్​.. ఏమన్నారంటే..

Vikram Health bulletin: అస్వస్థకు గురై ఆస్పత్రిలో చేరిన తమిళ హీరో విక్రమ్​ డిశ్చార్జ్​ అయినట్లు సమాచారం. ప్రస్తుతం ఆయనకు సంబంధించిన ఓ వీడియో నెట్టింట్లో వైరల్​గా మారింది. ఇందులో ఆయన మాట్లాడుతూ.. ప్రస్తుతం తన ఆరోగ్యం బాగానే ఉన్నట్లు చెప్పారు. తనపై ప్రేమ, అభిమానం చూపించిన ప్రతిఒక్కరికీ ధన్యవాదాలు తెలిపారు.

Vikram Health bulletin: ఛాతిలో అసౌకర్యంగా ఉండటం వల్ల ఆస్పత్రిలో చేరిన తమిళ స్టార్ హీరో విక్రమ్​ డిశ్చార్జ్​ అయినట్లు తెలుస్తోంది. దీనికి సంబంధించి ఓ వీడియో సోషల్​మీడియాలో వైరల్​ అవుతోంది. ఇందులో ఆయనే స్వయంగా మాట్లాడుతూ కనిపించారు. ప్రస్తుతం తన ఆరోగ్యం బాగానే ఉన్నట్లు చెప్పారు. తనపై ప్రేమ, అభిమానం చూపించిన ప్రతిఒక్కరికీ ధన్యవాదాలు తెలిపారు. ఇంతమంది ప్రేమ కనబరచడం చాలా సంతోషంగా ఉందని పేర్కొన్నారు. అయితే ఈ వీడియోపై స్పందిస్తున్న.. ఆయన కోలుకోవడం ఆనందంగా ఉందంటూ పోస్ట్​లు పెడుతున్నారు. కొద్ది రోజులు విశ్రాంతి తీసుకుని.. ఆ తర్వాత సినిమా షూటింగ్స్​లో పాల్గొనాలంటూ సూచిస్తున్నారు.

• #ChiyaanVikram Sir is Discharged for today !♥️🙏🏽
  
  Waiting to see #CobraAudioLaunch pic.twitter.com/oDUPlJmebl

  — ChiyaanMathanCvf (@mathanotnmcvf) July 9, 2022 " class="align-text-top noRightClick twitterSection" data="

  #ChiyaanVikram Sir is Discharged for today !♥️🙏🏽
  
  Waiting to see #CobraAudioLaunch pic.twitter.com/oDUPlJmebl

  — ChiyaanMathanCvf (@mathanotnmcvf) July 9, 2022

  ">

  #ChiyaanVikram Sir is Discharged for today !♥️🙏🏽
  
  Waiting to see #CobraAudioLaunch pic.twitter.com/oDUPlJmebl

  — ChiyaanMathanCvf (@mathanotnmcvf) July 9, 2022

ఇదీ జరిగింది.. విక్రమ్​ తీవ్ర అస్వస్థతకు గురైనట్లు శుక్రవారం మధ్యాహ్నం వార్తలు వచ్చాయి. ఆయనకు గుండెపోటు వచ్చిందని, పరిస్థితి విషమంగా ఉందని సోషల్ మీడియాలో విస్తృతంగా ప్రచారం జరిగింది. అయితే.. ఈ వార్తల్లో నిజం లేదని విక్రమ్ సన్నిహిత వర్గాలు స్పష్టం చేశాయి. అలానే ఇదే విషయాన్ని విక్రమ్​ జాయిన్​ అయిన చెన్నైలోని కావేరి ఆస్పత్రి వైద్యులు స్పష్టం చేశారు. ఛాతిలో అసౌకర్యంగా ఉన్నందునే ఆయన హాస్పిటల్​కు వచ్చారని చెబుతూ శుక్రవారం సాయంత్రం మెడికల్ బులెటిన్ విడుదల చేశారు. విక్రమ్​ను పరీక్షించి, అవసరమైన చికిత్స చేస్తున్నారని వివరించారు. మరోవైపు... విక్రమ్​ ఆస్పత్రిలో చేరారన్న వార్త తెలుసుకుని ఆయన అభిమానులు ఆందోళనకు గురయ్యారు. ఆయన ఆరోగ్యంగా తిరిగి రావాలంటూ సోషల్ మీడియాలో పోస్టులు పెట్టారు.

'అపరిచితుడు' చిత్రంతో విక్రమ్‌ తెలుగువారికి ఎంతో చేరువయ్యారు. ఆ తర్వాత ఆయన నటించిన చిత్రాలు ఇక్కడా విడుదలై మన వారిని బాగా అలరించాయి. ప్రస్తుతం ఆయన 'కోబ్రా', మణిరత్నం దర్శకత్వంలో 'పొన్నియిన్‌ సెల్వన్‌' చిత్రాల్లో నటిస్తున్నారు.

ఇదీ చూడండి: గుండెపోటా? జ్వరమా? చియాన్​ విక్రమ్​ హెల్త్​పై క్లారిటీ ఇచ్చిన డాక్టర్లు