ఎన్టీఆర్ సినిమాలో హీరోయిన్​గా ప్రియాంక చోప్రా.. డైరెక్టర్ ఎవరంటే?

జూనియర్ ఎన్టీఆర్​ నటించబోయే కొత్త సినిమాలో గ్లోబల్ స్టార్ ప్రియాంక చోప్రా హీరోయిన్​గా నటించనుందట. ఆ సినిమా వివరాలు..

NTR Prashanth Neel movie : 'ఆర్​ఆర్​ఆర్'​ బిగ్గెస్ట్​ హిట్​ తర్వాత యంగ్ టైగర్ ఎన్టీఆర్ లైనప్​ భారీ స్థాయిలో ఉంది. ప్రస్తుతం ఆయన కొరటాల శివ దర్శకత్వంలో 'దేవర' సినిమా చేస్తున్నారు. ఈ చిత్రంతో బాలీవుడ్ బ్యూటీ జాన్వీ కపూర్.. టాలీవుడ్ ఎంట్రీ ఇస్తోంది. దీని తర్వాత ఆయన 'కేజీయఫ్​' ఫేమ్​ ప్రశాంత్​ నీల్​తో(NTR 31 movie) ఓ భారీ బడ్జెట్​ సినిమా చేస్తున్నారు. దీనిపై సినీ ప్రియుల్లో భారీ అంచనాలే ఉన్నాయి. అయితే ఇప్పుడు ఈ మూవీకి సంబంధించి ఓ ఇంట్రెస్టింగ్​ న్యూస్ వైరల్ అవుతోంది.

ఈ సినిమాలో తారక్ సరసన గ్లోబల్ స్టార్ ప్రియాంక చోప్రా నటించనుందని వార్తలు వస్తున్నాయి. ఇందులో నిజమెంతో తెలియదు గానీ సోషల్​మీడియాలో మాత్రం ఈ పేరు చక్కర్లు కొడుతోంది. అంతకముందు దీపికా పదుకొణె, మృణాల్ ఠాకూర్ పేర్లు కూడా వినిపించాయి. కానీ ఇప్పుడు ప్రియాంక దాదాపుగా కన్ఫామ్​ అయినట్టు అంటున్నారు. ఈ చిత్రాన్ని మైత్రీ మూవీ మేకర్స్, ఎన్టీఆర్ ఆర్ట్స్ సంయుక్తంగా కలిసి నిర్మించనున్నాయి.

బాలీవుడ్ అరంగేట్రం..

NTR bollywood movie : ఎన్టీఆర్​ త్వరలోనే బాలీవుడ్ ఎంట్రీ కూడా ఇవ్వనున్నారు. ఇప్పటికే సినిమా కూడా ఖరారు అయిపోయింది. స్టార్ హీరో హృతిక్ రోషన్​ నటిస్తోన్న 'వార్ 2' చిత్రంలో ఆయన కీలక పాత్రలో కనిపించనున్నారు. నెగటివ్​ షేడ్స్​ ఉన్న రోల్​లో కనిపించనున్నారు. ఈ విషయాన్ని హృతిక్ కన్ఫామ్ చేశారు. దీనికి అయాన్ ముఖర్జీ దర్శకత్వం వహించనున్నారు.

నిర్మాతగా మారనున్న తారక్​.. ఇప్పటికే పలువురు స్టార్ హీరోలకు ప్రొడక్షన్ హౌస్​లు ఉన్న సంగతి తెలిసిందే. రీసెంట్​గా రామ్​చరణ్​ కూడా ఓ బ్యానర్​ను ప్రారంభించారు. ఇప్పుడు​ ఎన్టీఆర్ కూడా నిర్మాణ రంగంలోకి ఎంట్రీ ఇస్తున్నట్లు తెలుస్తోంది. ఈ ప్రొడక్షన్ హౌస్ ద్వారా కొత్త సినిమాలను నిర్మిస్తూ కొత్త టాలెంట్​ను ప్రోత్సాహించాలని అనుకుంటున్నారట. త్వరలోనే అధికారిక ప్రకటన రానుందట. నిర్మాతగా తన తొలి చిత్రాన్ని నేచురల్ స్టార్​ హీరో నానితో చేయబోతున్నారని టాక్ వినిపిస్తుంది. చూడాలి మరి ఈ వార్తల్లో నిజమెంతో..

ఇకపోతే ప్రస్తుతం తారక్​ నటిస్తున్న దేవర సినిమా శరవేగంగా షూటింగ్ జరుపుకుంటోంది. యాక్షన్‌ నేపథ్యంలో రూపొందుతున్న ఈ చిత్రంలో.. భయం తెలియని మృగాళ్లకు భయాన్ని పరిచయం చేసే శక్తిమంతమైన పాత్రలో ఎన్టీఆర్​ కనిపించనున్నారు. ఎన్టీఆర్‌ ఆర్ట్స్‌, యువ సుధా ఆర్ట్స్‌ సంస్థలు సంయుక్తంగా కలిసి నిర్మిస్తున్నాయి. జాన్వీ కపూర్‌ హీరోయిన్​. సైఫ్‌ అలీ ఖాన్‌ ప్రతినాయకుడిగా నటిస్తున్నారు. ఈ పాన్‌ ఇండియా సినిమా వచ్చే ఏడాది ఏప్రిల్‌ 5న రిలీజ్ కానుంది. ఇంకా ఈ చిత్రానికి అనిరుధ్‌ స్వరాలందిస్తున్నారు.

ఇదీ చూడండి :

Adipurush Pre release event హైలైట్​ ఫొటోస్​ మీకోసం.. ఓ లుక్కేయండి..