Guntur Karam Kurchi Madatha Petti Song : సూపర్స్టార్ మహేశ్ బాబు నటిస్తున్న 'గుంటూరు కారం' సినిమా నుంచి మరో సాంగ్ ప్రోమోను రిలీజ్ చేసింది మూవీ టీమ్. గత కొంతకాలంగా సోషల్ మీడియాలో ట్రెండ్ అయ్యిన 'కుర్చీని మడతబెట్టి' డైలాగ్తో ఉన్న ఈ పాట అదిరిపోయిందంటూ ఫ్యాన్స్ కామెంట్లు పెడుతున్నారు. మహేశ్, శ్రీలీల స్టెప్పులు కేక అని చెబుతున్నారు. కాగా, ఈ ఫుల్ సాంగ్ డిసెంబర్ 30వ తేదీన విడుదల కానుంది.
ఈ పాటకు రామజోగయ్య శాస్త్రి లిరిక్స్ రాయగా, తమన్ మ్యూజిక్ అందించారు. ఇప్పటికే ఈ సినిమా నుంచి విడుదలైన పోస్టర్లు, పాటలకు మంచి రెస్పాన్సే వచ్చింది. మాటల మాంత్రికుడు త్రివిక్రమ్ దర్శకత్వం వహిస్తున్న ఈ చిత్రంలో మహేశ్, శ్రీలీలతోపాటు మీనాక్షీ చౌదరి కీలక పాత్ర పోషిస్తున్నారు. సీనియర్ నటులు జగపతిబాబు, రమ్యకృష్ణ, బ్రహ్మానందం, ప్రకాశ్ రాజ్, సునీల్, రఘబాబు తదితరులు కీలక పాత్రల్లో కనిపించనున్నారు. హారిక అండ్ హాసిన్ క్రియేషన్స్పై రాధాకృష్ణ, సూర్యదేవర నాగవంశీ సినిమాను నిర్మిస్తున్నారు. జనవరి 6వ తేదీన హైదరాబాద్లో ఈ సినిమా ప్రీరిలీజ్ ఈవెంట్ జరగనుందని సినీ వర్గాల్లో టాక్. సంక్రాంతి కానుకగా ఈ సినిమా 2024 జనవరి 12వ తేదీన విడుదల కానుంది.
- " class="align-text-top noRightClick twitterSection" data="">
ఫ్లైట్ ఎక్కేసిన మహేశ్ ఫ్యామిలీ
మరోవైపు, మహేశ్ ఫ్యామిలీతో క‌లిసి దుబాయ్ ప్లైట్ ఎక్కేశారు. శుక్రవారం ఉద‌య‌మే మహేశ్, న‌మ్ర‌త, గౌత‌మ్, సితార ఎయిర్ పోర్టులో బ్యాగుల‌తో ప్ర‌త్య‌క్ష‌మ‌య్యారు. దీంతో వెకేష‌న్ అని క‌న్ఫామ్ అయింది. అయితే ఈసారి దుబాయ్ వెకేష‌న్తో పాటు ఓ చిన్న యాడ్ కూడా ప్లాన్ చేసుకున్న‌ట్లు తెలుస్తోంది. ఒకేసారి రెండు ప‌నులు ముగించుకోవాల‌ని ఇలా ప్లాన్ చేసిన‌ట్లు తెలుస్తోంది.
న్యూ ఇయర్ వేడుక‌లు దుబాయ్లో సెల‌బ్రేట్ చేసుకుని, యాడ్ షూడ్ కూడా ముగించుకుని తిరుగు ప్ర‌యాణం షురూ చేస్తారట మహేశ్. ఇక గుంటూరు కారం షూటింగ్ కూడా ముగిసిన‌ట్లు తెలుస్తోంది. గురువారంతోనే త‌న పాత్ర‌కు సంబంధించిన షూటింగ్ అంతా పూర్త‌యిన‌ట్లు సమాచారం. అందుకే మహేశ్ ధీమాగా ప్లైట్ ఎక్కేశారట.
