చిత్రసీమలో ఈ సంక్రాంతి ఎంత ప్రత్యేకంగా నిలిచిందో తెలిసిన విషయమే. ఒకే నిర్మాణ సంస్థ రూపొందించిన రెండు సినిమాలు ఒకేసారి విడుదలకావడం, అందులోనూ అవి మెగాస్టార్ చిరంజీవి, నందమూరి బాలకృష్ణ చిత్రాలు కావడం విశేషం. ఈ అగ్రహీరోలిద్దరూ ఒక్క రోజు గ్యాప్లో వాల్తేరు వీరయ్య, వీరసింహారెడ్డి అంటూ ప్రేక్షకుల ముందుకు వచ్చి బాక్సాఫీస్ను షేక్ చేశారు. ఇద్దరు కలిసి ప్రేక్షకుల చేత ఈలలు వేయించి.. దాదాపు రూ.350కోట్లకు పైగా వసూలు చేశారు. అయితే ఈ సందడి ముగిసింది దాదాపు నెల రోజులు కావొస్తుంది.
ఇప్పుడు చిరంజీవి, బాలయ్య తమ కొత్త చిత్రాలతో కూడా ఫుల్ బిజీ అయిపోయారు. షూటింగ్లలో పాల్గొంటూ తీరిక లేకుండా గడుపుతున్నారు. అయితే ఈ ఇద్దరు స్టార్ హీరోస్కు సూపర్ హిట్ ఇచ్చిన డైరెక్టర్స్ బాబీ(వాల్తేరు), గోపిచంద్ మలినేని(వీరయ్య) మాత్రం ఇంకా తమ కొత్త సినిమాలను ప్రకటించలేదు. అయితే వీరి నుంచి ఎలాంటి సినిమా రానుంది, వీరు ఏ హీరోతో సినిమా చేయబోతున్నారనే ఆసక్తి సినీ ప్రియుల్లో నెలకొంది. ఈ డైరెక్టర్లిద్దరూ ప్రస్తుతం ఫలానా హీరోతో చేయబోతున్నారని కొంతమంది పేర్లు వినిపించాయి. కానీ వీటిపై ఇప్పటివరకు ఓ క్లారిటీ రాలేదు. అయితే తాజాగా ఓ ఆసక్తికరమైన సమాచారం చక్కర్లు కొడుతోంది. అదేంటంటే.. ఈ దర్శకులు తమ హీరోలను ఎక్స్ఛేంజ్ చేసుకోబోతున్నట్లు వార్తలు వస్తున్నాయి! ప్రస్తుతం యంగ్ జనరేషన్ స్టార్ హీరోలంతా వరుస ప్రాజెక్టులతో బిజీగా ఉండడంతో మళ్లీ సీనియర్ హీరోలతోనే చేయాలనుకుంటున్నారట. అలా ఈ సారి బాలకృష్ణతో బాబీ, చిరంజీవితో గోపిచంద్ మలినేని సినిమాలు చేసేందుకు సన్నాహాలు చేస్తున్నారని టాక్ వినిపిస్తోంది. డిఫరెంట్ కాన్సెప్ట్తో రావాలని ఆలోచిస్తున్నారట. హీరోలిద్దరితో చర్చలు జరిపించేందుకు ట్రై చేస్తున్నారట. మరి ఇందులో నిజమెంతో తెలియదు కానీ ఈ వార్తలు షికార్లు చేస్తున్నాయి. చూడాలి మరి ఏం జరుగుతుందో.
అలాగే ఇక చిరంజీవి కొత్త చిత్రం భోళాశంకర్ విషయానికొస్తే.. ప్రస్తుతం శరవేగంగా షూటింగ్ జరుపుకుంటోంది. ఇందులో తమన్నా హీరోయిన్. కీర్తిసురేశ్.. చిరుకు చెల్లిలిగా నటిస్తోంది. ఇప్పటికే విడుదలైన పోస్టర్స్, టీజర్స్ సినిమాపై ఆసక్తిని పెంచాయి. ఇందులో చిరు తన పాత సూపర్ హిట్ పాట రీమిక్స్ చేస్తారని ప్రచారం సాగుతోంది. అలాగే బాలయ్య ప్రస్తుతం.. ఫన్ డైరెక్టర్ అనిల్ రావిపూడితో NBK 108 సినిమా చేస్తున్నారు. ఫాదర్ అండ్ డాటర్ సెంటిమెంట్తో రానున్న ఈ చిత్రంలో బాలయ్యకు కూతురిగా యంగ్ హీరోయిన్ శ్రీలీల నటిస్తోంది. ప్రస్తుతం ఇది కూడా చిత్రీకరణ జరుపుకుంటోంది! ఒకవేళ బాబీ, గోపిచంద్ ప్రయత్నాలు ఫలిస్తే.. చిరు, బాలయ్య కొత్త చిత్రాలు పూర్తయ్యాకే ఆ దర్శకులతో సినిమా చేసే అవకాశముంది.
ఇదీ చూడండి: సంయుక్త క్రేజ్.. ఈ ముద్దుగుమ్మ చూపులకు కుర్రాళ్లు క్లీన్ బౌల్డ్!
