Thalaivar 170 Latest Update : తమిళ సూపర్ స్టార్ రజనీకాంత్.. ప్రస్తుతం డైరెక్టర్ నెల్సన్ దిలీప్ కుమార్ దర్వకత్వంలో నటించిన సినిమా 'జైలర్'. అన్ని పనులను పూర్తి చేసుకున్న ఈ సినిమా ఆగస్టు 10న థియేటర్లలోకి విడుదలకు సిద్ధంగా ఉంది. ఇటీవలే విడుదలైన ట్రైలర్.. అభిమానుల్లో భారీ అంచనాలను నెలకొల్పింది. ఇంకా ఈ సినిమా రిలీజ్ కాకముందే తలైవర్ 170కు సంబంధించిన ఓ అప్డేట్ ఇప్పుడు రజనీ ఫ్యాన్స్లో ఆనందాన్ని నింపుతోంది.
Thalaivar 170 Stars: 'జై భీమ్‌' ఫేమ్ డైరెక్టర్ టీజే జ్ఞానవేళ్‌ దర్శకత్వంలో తెరకెక్కుతున్న ఈ సినిమా గురించి ఇప్పుడు నెట్టింట ఓ వార్త తెగ హల్చల్ చేస్తోంది. ఇప్పటికే ఈ సినిమాలో బాలీవుడ్ స్టార్ అమితాబ్ బచ్చన్ నటించనుండగా.. ఇప్పుడు ఈ లిస్ట్లో మలయాళ స్టార్స్ ఫహాద్ ఫాజిల్, మంజు వారియర్తో పాటు నేచురల్ స్టార్ నాని కూడా కీలకపాత్రల్లో నటించబోతున్నారట. అంతే కాకుండా ఈ సినిమాలో నాని పాత్ర 20 నిమిషాల నిడివి ఉండనుందంటూ ఓ బజ్ కూడా క్రియేట్ అయ్యింది. ఈ విషయం గురంచి అధికారికంగా ప్రకటన రానప్పటికీ... సోషల్ మీడియాలో ఈ వార్త తెగ వైరలవుతోంది. అయితే ఈ ప్రాజెక్ట్కు సంబంధించిన మరిన్ని వివరాలు మరో రెండు వారాల్లో తెలియనుందని సమాచారం.
Thalaivar 170 Story : ఈ వార్త విన్న ఫ్యాన్స్ సంతోషంతో సంబరాలు చేసుకుంటున్నారు. అంత మంది స్టార్స్ను ఒకే స్క్రీన్పై చూస్తే ఆ ఫీలే వేరు అంటూ నెట్టింట కామెంట్లు పెడుతున్నారు. దీంతో ఈ సినిమాపై అభిమానుల్లో భారీగా అంచనాలు పెరిగిపోయాయి. అంతే కాకుండా ఈ సినిమాలో రజినీకాంత్‌ను జ్ఞానవేల్ ఎలాంటి పాత్రలో చూపించనున్నారన్న విషయంపై సర్వత్రా ఆసక్తి నెలకొంది. అయితే ఈ సినిమా స్టోరీ లైన్ అంటూ ఓ కథ నెట్టింట చక్కర్లు కొడుతోంది. దశాబ్దాల క్రితం దేశంలో సంచలనం రేపిన ఓ ఎన్‌కౌంటర్ ఆధారంగా ఈ సినిమా తెరకెక్కనున్నట్లు తెలుస్తోంది. మరో బజ్ ప్రకారం ఈ సినిమాలో రజనీ ఓ పోలీస్ క్యారెక్టర్లో కనిపించనున్నారట. సెప్టెంబరు నుంచి షూటింగ్ ప్రారంభించనున్న ఈ సినిమా 2024లో థియేటర్లలో సందడి చేయనుంది.
Rajnikanth Upcoming Movies : ఇక రజనీకాంత్ లైనప్ను చూస్తే.. జైలర్ షూటింగ్ కంప్లీట్ చేసిన ఆయన తన తదుపరి సినిమాల చిత్రీకరణపై దృష్టి సారించారు. ఇందులో భాగంగా జైలర్తో పాటు తన కూమార్తె ఐశ్వర్య దర్శకత్వం వహించిన 'లాల్ సలామ్' షూట్ను కంప్లీట్ చేశారు. విష్ణు విశాల్ లీడ్ రోల్లో కనిపించిన ఈ సినిమాలో మొయిద్దీన్ భాయ్‍ అనే కీలక పాత్ర పోషించారు.
