నటసింహం నందమూరి బాలకృష్ణ చాలా రోజుల తర్వాత ఫ్యాక్షన్ గెటప్లోకి మారి చేస్తున్న సినిమా 'వీర సింహా రెడ్డి'. బాలయ్యకి డై హార్డ్ ఫ్యాన్ అయిన గోపీచంద్ మలినేని ఈ చిత్రాన్ని తెరకెక్కిస్తున్నారు. సినిమా విడుదల తేదీ దగ్గరపడుతుండటం వల్ల ప్రమోషన్స్.. నందమూరి అభిమానులకి కిక్ ఇచ్చే రేంజులో జరుగుతున్నాయి. ఇప్పటికే ఈ మూవీ నుంచి రెండు సాంగ్స్ జై బాలయ్య, సుగుణ సుందరి విడుదలై తెగ ఉర్రూతలూగించాయి. తమన్ ఇచ్చిన ట్యూన్స్ బాలయ్య ఫాన్స్ను ఎంటర్టైన్ చేస్తున్నాయి. అయితే తాజాగా ఈ రెండు పాటలకు మించేలా.. మాస్ కి కిక్ ఇచ్చేలా మూడో సాంగ్ రిలీజైంది. 'మా బావ మనోభావాలు' అంటూ స్పెషల్ సాంగ్తో సందడి చేశారు బాలయ్య. ఇందులో కేరళ కుట్టి హనీరోజ్, మరో భామ చంద్రిక రవితో కలిసి అదిరిపోయే స్టెప్పులు వేశారు. ఈ సాంగ్ వింటుంటే ఆడియెన్స్కు మరోసారి పూనకాలు రావడం ఖాయమనేపిస్తోంది.
కాగా, మైత్రి మూవీ మేకర్స్ బ్యానర్‌పై ఈ చిత్రం ఎంతో ప్రతిష్టాత్మకంగా రూపొందుతోంది. సినిమా ప్రకటించినప్పటి నుంచి భారీ అంచనాలు నెలకొన్నాయి. ఇటీవల ఈ సినిమా నుంచి టీజర్‌ విడుదల చేసి నందమూరి అభిమానులకు పూనకాలు తెప్పించారు మేకర్స్. ఆ తర్వాత వీర సింహా రెడ్డి అనే టైటిల్ ఫిక్స్ చేసి సినిమాపై ఉన్న అంచనాలను మరింత పెంచారు. ఇక ఈ సినిమాలో బాలయ్య సరసన శ్రుతి హాసన్ హీరోయిన్గా నటిస్తోంది. ఇప్పటికే ఈ మూవీకి సంబంధించి 80 శాతానికి పైగా షూటింగ్ పూర్తి చేశారు. వరలక్ష్మీ శరత్ కుమార్, కన్నడ స్టార్ దునియా విజయ్, మలయాళ నటుడు లాల్, నవీన్ చంద్ర, మురళీ శర్మ, ఈశ్వరీ రావు తదితరులు ఇతర ముఖ్య పాత్రలు పోషిస్తున్నారు. వచ్చే ఏడాది సంక్రాంతి కానుకగా జనవరి 12న మూవీ విడుదల కానుంది.
- " class="align-text-top noRightClick twitterSection" data="">
ఇదీ చూడండి: దూసుకెళ్లిన రవితేజ 'ధమాకా' తొలి రోజు కలెక్షన్స్.. ఎంతంటే
