మ్యాన్లీ లుక్స్తో, బోల్డ్ వాయిస్తో ఫ్యాన్ ఫాలోయింగ్ పెంచుకున్న నటుడు అర్జున్‌దాస్‌. ఖైదీ, మాస్టర్‌, విక్రమ్‌ తదితర చిత్రాల్లో కీలకపాత్ర పోషించి.. తన గంభీరమైన గొంతుతో ప్రత్యేక గుర్తింపు తెచ్చుకున్నాడు. దీంతో ఇండస్ట్రీలో ఆయనకు డిమాండ్ పెరిగింది. ఇక తెలుగులోనూ ఛాన్స్లను అందుకుంటున్నాడు. ఫిబ్రవరి 4న 'బుట్టబొమ్మ' చిత్రంతో టాలీవుడ్ ఎంట్రీ ఇవ్వనున్నాడు. ఆక్సిజన్‌ అనే చిత్రంలోనూ కీలకపాత్ర పోషించాడు. అయితే ఇప్పుడతడికి మరో మంచి అవకాశం వరించినట్లు తెలుస్తోంది.
సూపర్స్టార్ మహేశ్ బాబు- మాటల మాంత్రికుడు త్రివిక్రమ్ శ్రీనివాస్‌ కాంబోలో రూపొందుతున్న SSMB 28 చిత్రంలో నటించబోయే అవకాశం ఉన్నట్లు వార్తలు వస్తున్నాయి. ఇందులో అతడు వైల్డ్గా కనిపించనున్నాడని తెలుస్తోంది. ప్రతినాయకుడి పాత్ర అని సమాచారం. ప్రస్తుతం ఈ విషయంలో సోషల్మీడియాలో ప్రచారం సాగుతోంది. త్వరలోనే దీనిపై క్లారిటీ రానుంది. ఇకపోతే అర్జున్ దాస్ తాజాగా నటించిన బుట్టబొమ్మ ఫిబ్రవరి 4న విడుదల కానుంది. అనికా సురేంద్రన్‌, సూర్య వశిష్ఠ, అర్జున్ దాస్ ప్రధాన పాత్రల్లో నటించారు. ఈ చిత్రాన్ని కొత్త దర్శకుడు శౌరి చంద్రశేఖర్‌ రమేష్‌ తెరకెక్కించారు.
ఇంకా ssmb 28 విషయానికొస్తే.. దీనిపై భారీగా అంచనాలు ఉన్నాయి. పూజా హెగ్డే, శ్రీలీలలు హీరోయిన్స్గా నటిస్తున్నారు. ఇంకా షూటింగ్ పూర్తి చేసుకోని ఈ సినిమాకు అప్పుడే ప్రీ రిలీజ్ బిజినెస్ భారీగా జరిగినట్లు తెలుస్తోంది. ఈ చిత్ర డిజిటల్, శాటిలైట్ రైట్స్, థియేట్రికల్ బిజినెస్ కలిపి దాదాపు రూ.300కోట్ల వరకు జరిగిందని తెలిసింది.
ఇదీ చూడండి: ఏంది మళ్లీనా.. చిరు-బాలయ్య గ్యాప్ ఇవ్వట్లేదుగా!
