క్రెడిట్ కార్డు ఆఫర్ ఉందంటూ సైబర్ నేరగాళ్ల చేతిలో ఓ వ్యక్తి మోసపోయిన ఘటన హైదరాబాద్ చింతల్లో జరిగింది. జీడిమెట్ల పీఎస్ పరిధి చింతల్కు చెందిన కిషోర్కు క్రెడిట్ కార్డు ఆఫర్ ఉందంటూ ఓ మహిళ ఫోన్ చేసింది. ఆఫర్ తనకు అవసరం లేదంటూ మహిళకు కిషోర్ తెలిపాడు.
తన ఆఫర్ను డీయాక్టివేట్ చేయాలంటే అతని క్రెడిట్ కార్డు వివరాలు చెప్పాలని కిషోర్ను సైబర్ మహిళ కోరింది. అది నమ్మి అతను క్రెడిట్ కార్డు వివరాలు, ఓటీపీ తెలిపాడు. దీంతో తన అకౌంట్ నుంచి రూ.98,000 మాయమయ్యాయి. మళ్లీ తనకు ఫోన్ చేయగా ఓటీపీ చెప్తా అని చీట్ చేసిందని బాధితుడు పేర్కొన్నాడు. మోసపోయానని గ్రహించిన బాధితుడు కిశోర్ జీడిమెట్ల పోలీసులకు ఫిర్యాదు చేశాడు. ఘటనపై పోలీసులు దర్యాప్తు చేస్తున్నారు.
ఇదీ చూడండి : కత్తులతో ఇరువర్గాల ఘర్షణ... ఐదుగురికి తీవ్ర గాయాలు
